រាជធានីភ្នំពេញ ៖ ទីតាំងផលិតស្ករតោ្នតចំនួន ២ទីតាំង ដែលក្នុងនោះ១ទីតាំងជាទីតាំងសម្រាប់ផលិត និងមួយទីតាំងទៀត ជាទីតាំងសម្រាប់ស្តុកម្សៅគីមីលាយផ្សំ  ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ ត្រូវបានកម្លាំងនគរបាល នៃនាយកដ្ឋានប្រឆាំងបទល្មើសក្រសួងមហាផ្ទៃ ដឹកនាំដោយលោកឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាន កាលពីវេលាម៉ោង ១៤ និង ០០នាទីរសៀលថ្ងៃទី២៧ ខែមករា ឆ្នាំ២០១៦ បានដឹកនាំកម្លាំងចុះបង្ក្រាបជាក់ស្តែង បន្ទាប់ពីទទួលដំណឹងថា ទីតាំងទាំង២រួមគ្នានេះ លួចលាក់ផលិតស្ករត្នោតដោយមានលួចលាយ ផ្សំសារធាតុគីមីម្យ៉ាងមានឈ្មោះថា  ( សូលដ្យូម ហ៊ីដ្រូសូលហ្វីត ) ចូលជាតិជាមួយគ្នា ។

ប្រតិបត្តិការចុះបង្ក្រាបនេះ ធ្វើឡើងដោយមានការចូលរួមពីសំណាក់ព្រះរាជអាជ្ញាររងអមសាលាដំបូងរាជធានីភ្នំពេញលោកមាស ច័ន្ទ ពិសិដ្ឋ ក៏ដូចជាក្រុមមន្ត្រីជំនាញកាំកុងត្រូលជាដើម ។ ហើយជាលទ្ធិផល ក្រោយការត្រួតពិនិត្រអស់ជាច្រើនម៉ោងរួចមក សមត្ថិច្ចជំនាញរកឃើញថា ទីតាំងទាំង ២ខាងលើ ពិតជាមានការលួចលាក់ផ្សំលំលាយនូវសាធារតុគីមី ដើម្បីផលិតចេញជា ស្ករតោ្នតពិតប្រាកដមែន ដោយប្រើប្រាស់ម្សៅគីមីម្យ៉ាងឈ្មោះ ថា (សូលដ្យូម ហ៊ីដ្រូសូលហ្វីត ) ដែលជាធាតុផ្សំ ធ្វើអោយស្ករត្នោតមើលពីសម្បកក្រៅហាក់ដូចមានគុណភាពល្អក្រហមឆ្អៅតែម្តង លើសពីនេះ ក្លិន និងសាធារជាតិ ហាក់មានអជីរស់ បំផុតផងដែរ ។ 

លោកឧត្តមសេនីយ៍ឯកចាន់ វ៉ាន់ធឿន ប្រធាននាយកដ្ឋានប្រឆាំងបទល្មើសសេដ្ឋកិច្ច នៃក្រសួងមហាផ្ទៃ បានមានប្រសាសន៍អោយដឹងថា ទីតាំងទាំង២នាក់ខាងលើនេះ គឺមានម្ចាស់រួមគ្នាតែមួយ ដែលមានឈ្មោះ ជ្រុយ សុខ ភេទប្រុស អាយុ៣៣ឆ្នាំ ។ ហើយទីតាំងទាំង២នាក់នេះ ទីតាំងទី១នៅចំណុចផ្ទះលេខ៨ តាមបណ្តោយផ្លូវលេខ ៦៦៤  ជាទីតាំងសម្រាប់ចម្រាញ់ជាតិ និងផលិតចេញជាស្ករតោ្នត ដោយឡែកទីតាំងទី២ ស្ថិតនៅចំណុចផ្ទះលេខ ៧៨ ជាទីតាំងស្តុកទុកធុងប្រេងរាប់កាន និង សារជាតិគីមីសម្រាប់លាយលំ រាប់សិបធុង ផងដែរ ។ លោកឧត្តមសេនីយ៍ឯកបន្តថា ក្រោយសមត្ថកិច្ចរកឃើញថា ទីតាំងទាំង២ជាទីតាំងផលិតនូវស្ករត្នោតខុសច្បាប់ហើយនោះ សមត្ថកិច្ចបានធ្វើការរឹបអូស នូវ សាធារគីមី ប្រភេទ (សូលដ្យូម ហ៊ីដ្រូសូលហ្វីត ) រាប់សិបធុង និង ប្រេងកាតសម្រាប់លាយលំជាច្រើនកានផងដែរ រួមទាំងធ្វើការឃាត់ខ្លួនបុរសជាម្ចាស់ទីតាំង ភ្លាមៗ យកទៅកាន់ នាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ ដើម្បីចាត់ការទៅតាមផ្លូវច្បាប់ ។ ចំនែកទីតាំងទាំង ២ ត្រូវបានបិទទ្វារអាជីវកម្មបណ្តោះអាសន្នសិន រងចាំបើកការស៊ើបអង្គេតបន្ថែមនៅពេលក្រោយ ៕

• បង្ក្រាប
• ជាតិគីមី