រាជធានីភ្នំពេញ ៖ ជនសង្ស័យជាមុខសញ្ញាគ្រឿងញៀនម្នាក់ ត្រូវបានកម្លាំងសមត្ថកិច្ចព្រហ្មទណ្ឌ នៃអធិការដ្ឋាននគរបាលខណ្ឌឬស្សីកែវ ធ្វើការឃាត់ខ្លួននៅចំណុច ផ្ទះលេខ ៥៩១ស៊ីផ្លូវបេតុង ក្រុមទី ៩ ភូមិលូ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ វេលាម៉ោង ២ និង ៣០នាទីរសៀល ថ្ងៃទី ០៦ ខែ មករា ឆ្នាំ ២០១៦ ។

មន្ត្រីសមត្ថកិច្ចអោយដឹងថា ជនសង្ស័យឈោ្មះ ឡាយ ទីង ភេទ ប្រុស អាយុ ៣០ឆ្នាំ ជនជាតិ វៀតណាម មុខរបរ មិនពិតប្រាកដ ស្នាក់នៅផ្ទះលេខ 592C ចំណុចទីតាំងកើតហេតុ ។

 មន្ត្រីដដែលបន្តថាមុន ឈានដល់ការចុះបង្ក្រាប គឺកម្លាំងនគរបាលផ្នែកព្រហ្មទណ្ឌ នៃអធិការដ្ឋាននគរបាកខណ្ឌឬស្សីកែវ បានបើកការស្រាវជ្រាវតាមដានមុខសញ្ញាខាងមកអស់រយះពេលជាយូរ ។ រហូតមកទល់នឹងវេលាកើតហេតុ ដោយទទួលបានប្រភពច្បាស់ការណ៍ពីទីតាំងលាក់ខ្លួនរបស់ជនសង្ស័យ ទើបកម្លាំងសមត្ថកិច្ចចុះមកធ្វើការបង្ក្រាបបានជាក់ស្តែងតែម្តងទៅ ដោយក្នុងនោះធ្វើការដកហូត ជញ្ជីងសំរាប់ថ្លឹងគ្រឿងញៀនមួយ ដាវកែឆ្នៃមួយ ថង់សំរាប់ច្រកគ្រឿងញៀនមួយចំនួន ព្រមទាំងឧបករណ៏គ្រឿងញៀនមួយចំនួន ។

បច្ចុប្បន្នជនសង្ស័យ ត្រូវបានសមត្ថកិច្ចបញ្ចូនខ្លួនទៅកាន់អធិការដ្ឋាននគរបាលខណ្ឌឬស្សីកែវ ដើម្បីធ្វើការសាកសួរនាំបន្ថែម និង ត្រៀមកសាងសំណុំរឿងបញ្ជូនទៅកាន់តុលាការ ចាត់ការបន្តតាមច្បាប់ ៕

• គ្រឿងញៀន
• ខណ្ឌឬស្សីកែវ