រាជធានីភ្នំពេញ៖ កាលពីព្រឹកថ្ងៃទី ៦ ខែមករា ឆ្នាំ ២០១៦ អគ្គស្នងការដ្ឋាននគរបាលជាតិ បានចេញបទបញ្ជាថ្មីដោយបាន ជំរាបមកស្នងការដ្ឋាននគរបាលរាជធានី ខេត្ត និង អធិការដ្ឋានក្រុង ខណ្ឌ ស្រុក អោយផ្អាកត្រួតពិនិត្យមួយរយៈលើលិខិតស្នាមយានយន្ត ដូចជា ៖ ប័ណ្ណបើកបរ ប័ណ្ណសំគាល់ទោចក្រយានយន្ត វិញ្ញាបនប័ត្រត្រួតពិនិត្យលក្ខណៈ បច្ចេកទេស និង លិខិតធ្វើអាជីវកម្ម ចំពោះរថយន្តដឹកជញ្ជូន មួយរយះសិន រហូតដល់មានបទបញ្ជាជាថ្មី ។
សូមបញ្ជាក់ថា ការសម្រេចនេះធ្វើឡើងបន្ទាប់ពី ការអនុវត្តច្បាប់ចរាចរណ៍ថ្មី នៃឆ្នាំ២០១៦ មានការប្រទាំងប្រទើសយ៉ាងខ្លាំងខ្លាជាមួយប្រជាពលរដ្ឋ ស្ទើរទូទាំងប្រទេស មិនថា នៅរាជធានី ឬ ខេត្ត ៕