|
 |
MENU
|
|
|
|
MENU
|
នៅទីផុតគណៈកម្មាធិការជាតិរៀបចំការបោះឆ្នោត (គ.ជ.ប) សម្រេចជ្រើសរើសលោក ទេព នីថា ជាអគ្គលេខាធិការ គ.ជ.ប ដដែល និងសម្រេចយកអគ្គលេខាធិការរងចំនួន ៤រូបថ្មីទៀត ដែលក្នុងនោះមានលោក នី ចរិយា មកពីសមាគមអាដហុក (ADHOC) ផងដែរ។ ចំណែកឯអគ្គលេខាធិការរង ៣រូបទៀត រួមមាន លោក សោម សូរីដា ជាមន្ត្រី គ.ជ.ប លោក ម៉ុក ដារ៉ា ជាសាស្ត្រាចារ្យច្បាប់ និងជាជំនួយការច្បាប់របស់អង្គការនិកហ្វិច (NICFEC) លោក ម៉ៅ សុភារិទ្ធ ជាមេធាវី។
ការសម្រេចរបស់ គ.ជ.ប នៅព្រឹកថ្ងៃទី១៥ ខែមករា នេះ បន្ទាប់ពីបើកកិច្ចប្រជុំពិភាក្សាដែលដឹកនាំដោយប្រធាន គ.ជ.ប លោក ស៊ិក ប៊ុនហុក និងមានការចូលរួមពីសមាជិក គ.ជ.ប ទាំង ៩នាក់។
លោក រ៉ុង ឈុន សមាជិកមួយរូបរបស់ គ.ជ.ប បានលើរឡើងថាលោកមិនគាំទ្រចំពោះការតែងតាំងលោកទេព នីថា ជាអគ្គលេខាធិការ គ.ជ. ប ថ្មីនេះទេ។ កាដែលមិនគាំទ្រក៏ព្រោះលោកបានបញ្ជាក់ថា ការផ្លាស់ប្តូរតំណែងអគ្គលេខាធិការ គ.ជ. ប ថ្មីនេះគឺ ជាការចង់បានរបស់ប្រជាពលរដ្ឋ ដូចច្នេះលោកចង់ធ្វើអ្វីដែលប្រជាពលរដ្ឋត្រូវការ។
តែទោះជាយ៉ាងណាក្តី លោក រ៉ុង ឈុន បានបញ្ចាក់ជូនប្រជាពលរដ្ឋថាតំណែងអគ្គលេខាធិការថ្មីមិនដូចមុនទេព្រោះអគ្គលេធិការ គ. ជ. ប ថ្មីនេះមិនមានសិទ្ធអំណាចឡើយ ហើយប្រសិនបើធ្វើការមិនឯករាជ្យប្រធាន គ. ជ. ព អាចបញ្ចប់តំណែងវិញបាន។
គួរបញ្ចាក់ផងដែរកាលពីថ្ងៃទី៦ ខែមករា គ.ជ.ប បានប្រកាសបេក្ខជនតំណែងអគ្គលេខាធិការ និងអគ្គលេខាធិការរង ១៥នាក់។ ក្នុងនោះមានបេក្ខជន ៣នាក់ សម្រាប់ប្រកួតប្រជែងយកតំណែងអគ្គលេខាធិការ គឺមានលោក ទេព នីថា អគ្គលេខាធិការ គ.ជ.ប បច្ចុប្បន្ន និងនាយកអង្គការពុទ្ធសាសនាដើម្បីអភិវឌ្ឍន៍ លោកបណ្ឌិត ហេង មណីចិន្តា ព្រមទាំងនាយកអង្គការខារ៉ាមកម្ពុជា លោក យ៉ា ណាវុធ។ ចំណែកបេក្ខជន ១២នាក់ទៀត សម្រាប់ប្រកួតយកតំណែងអគ្គលេខាធិការរង។
