ប្រធានាធិបតីអាមេរិកដូណាលត្រាំនិងភរយាបានចាប់ផ្តើមបំពេញទស្សនកិច្ចជាលើកទី​១ទៅក្រៅប្រទេស ដោយលោកត្រាំនឹងធ្វើដំណើរទៅកាន់​តំបន់មជ្ឈឹមបូព៌ា និងអឺរ៉ុប។

សារព័ត៌មានរ៉យទ័របានផ្សាយថា នៅថ្ងៃទី ១៩ខែឧសភា  ប្រធានាធិបតីដូណាលត្រាំ​បានចាកចេញពីសេតវិមាន​ចាប់ផ្តើមដំណើរទស្សនកិច្ចទៅក្រៅប្រទេស រយៈពេល ៩ថ្ងៃ  ដែលជាដំណើរទស្សនកិច្ចក្រៅប្រទេសដំបូងបំផុត ក្នុងតំណែងជាប្រធានាធិបតី ពេលស្ថានភាពពិភពលោកកំពុងតែតានតឹង។

លោកស្រី​ Melania Trump ​និងកូនស្រី កូនប្រសា  គឺនាង Ivanka និង​Jared Kushner ក៏បានអបដំណើរ នៅក្នុងដំណើរទស្សនកិច្ចនោះដែរ។ តាមគម្រោង ប្រទេសដំបូងដែលលោកត្រាំ ទស្សនកិច្ចនោះគឺជាប្រទេស សាឌីអារ៉ាប៊ី​ បន្ទាបមកគឺប្រទេសអីស្រាអែល  អីតាលី  ប៊ែលហ្សិក  ។ នៅក្នុងតំណើរទស្សនកិច្ចនោះលោកត្រាំនឹងជួបពិភាក្សាជាមួយព្រះមហាក្សត្រសាឌីអារ៉ាប៊ី  នាយករដ្ឋមន្ត្រី អីស្រាអែល ​Benjamin Netanyahu ប្រធានាធិបតីប៉ាឡេស្ទីន​ លោកម៉ាមូតអាបាស , សម្តេចសង្ឃ កាតូលិច​​Francis ,នាយករដ្ឋមន្ត្រីអីតាលី ​ Gergio Mattarella និង ព្រះមហាក្សត្រប៊ែលហ្សិច Philippe ផងដែរ។ឮតាមគម្រោង លោកដូណាលត្រាំនិងជួបពិភាក្សាជាមួយមេដឹកនាំ G-7 និង មេដឹកនាំណាតូ ផងដែរ។

នៅក្នុងតំណើរទស្សនកិច្ចរបស់លោកត្រាំគ្រប់ដណ្តប់ដោយ រឿងរ៉ាវជាច្រើននៅក្នុងទឹកដីរបស់ខ្លួនពិសេសគឺ ការដកហូតដំណែងរបស់ប្រធាន ​FBI ​លោក​ James Comey ​ពេលដែលកំពុងធ្វើការស្រាវជ្រាវ លើទំនាក់ទំនងរវាងលោកត្រាំនិង រុស្ស៊ីមុនពេលបោះឆ្នោតនិងក្រោយពេលបោះឆ្នោត។

ដូច្នេះដំណើរទស្សនកិច្ចរបស់លោកត្រាំនាពេលនេះ​ អាចជួយបញ្ចប់វបត្តិនៅក្នុងប្រទេសរបស់លោក ។ក្រុមអ្នកវិភាគលើកឡើងថា ដំណើរទស្សនកិច្ចនេះដែរគឺជាឧកាសដើម្បីស្រោចស្រង កៅអីប្រធានាធិបតីរបស់លោក ក្នុងពេលដែលដំណាងរាស្ត្រជាច្រើនបាត់បង់ទំនុកចិត្ត ហើយទាមទាឲ្យសភា ចោទប្រកាន់ទោសលោកត្រាំទៀតផង៕

• ប្រធានាធិបតី
• អាមេរិក
• ស្ថានភាព
• ទស្សនកិច្ច