អាកាសធាតុត្រជាក់ធ្លាក់ព្រិលទ្រងទ្រាយធំមិនធ្លាប់មាននៅក្នុងប្រទេសប៉ូឡូញ បណ្តាលឲ្យមានអ្នកស្លាប់ជាង៤០នាក់។ប៉ូលិសប៉ូឡូញបានអំពាវនាវដល់ប្រជាពលរដ្ឋ ពិសេសគឺមនុស្សចាស់ អ្នកគ្មានផ្ទះសម្បែងនិង​អ្នកស្រវឹងស្រា ត្រូវតែមានការប្រុងប្រយ័ត្ន​ដោយអាកាសធាតុត្រជាក់ធ្លាក់ព្រិលខុសប្រក្រតី

សារព័ត៌មានវ៉ាស៊ីនតោនប៉ុស្ត៍បានផ្សាយថា មកទលពេលនេះមានអ្នកស្លាប់ជាង​៤០នាក់​ហើយដោយសាអាកាសធាតុត្រជាក់។ ដោយឡែកនៅថ្ងៃទី​៣និងទី​៣ខែមករាមានអ្នកស្លាប់​ដល់ទៅ​២១នាក់។

លោកស្រីBozena Wysocka អ្នកនាំពាក្យមជ្ឈមណ្ឌុលសន្តិសុខ​បញ្ចាក់ថា​«មានមនុស្ស​១២​នាក់ស្លាប់ក្នុងរយពេល​២៤ម៉ោងកន្លងមក ហើយនៅមុននេះមានមនុស្ស​៩នាក់​ផ្សេង​ទៀត​ស្លាប់។នៅក្នុងតំបន់មួយចំនួនមានសីតណ្ហភាពធ្លាក់ដល់ក្រោមសូន្យ​អង្សាសេ ខ្លាទៀត​ សីតណ្ហភាពមានរហូត​-20 អង្សាសេរទៀតផង។

សារព័ត៌មាន​ប៊ីប៊ីស៊ី​បានផ្សាយថា នេះជារដូវកាលត្រជាក់បំផុតមិនធ្លាប់មាននៅក្នុងប្រវត្តិ​សាស្ត្រប្រទេសប៉ូឡូញ។ កាលពីថ្ងៃទី​១៩និង​២០ខែធ្នូ​២០០៩ ក៏មានអាកាសធាតុត្រជាក់​ធ្លាក់​ព្រិល សម្លាប់មនុស្ស​៤២នាក់ផងដែរ។

ប៉ូឡូញមានពលរដ្ឋ​៣៨លាននាក ហើយអាកាសធាតុត្រជាក់ឆ្នាំនេះកើតឡើងយឺតជាឆ្នាំមុនៗ ប៉ុន្តែមានអាកាសធាតុត្រជាក់ជាងគេបង្អស់៕ ម៉េនឡេង

• ប៉ូឡូញ
• សម្លាប់មនុស្ស
• ធ្លាក់ព្រិល