ថ្នាក់ដឹកនាំគណបក្សសង្រ្គោះជាតិចូលពន្ធនាគារជួបសកម្មជនបក្សកំពុងជាប់ពន្ធនាគារចំនួន១៥នាក់

ព័ត៌មានជាតិ | ថ្ងៃព្រហស្បតិ៍ ទី១១ កុម្ភៈ ២០១៦, ១៤:០៤ | ៥២៧ ដង | ចុចបញ្ចេញមតិ (០)

ភ្នំពេញ៖ មន្រ្តីនិងសកម្មជនគណបក្សសង្រ្គោះជាតិចំនួន១៥នាក់កំពុងជាប់ឃុំនៅព្រឹកថ្ងៃទី១១ខែកុម្ភៈនេះត្រូវបានលោកឹម សុខាអនុប្រធានគណបក្សសង្រ្គោះជាតិ បានដឹកនាំក្រុមអ្នកតំណាងនៃគណបក្សសង្រ្គោះជាតិជាង១០នាក់ចូលជួបសួរសុខទុក្ខនិងលើកទឹកចិត្តដល់ដល់ពួកគាត់ ដែលកំពុងត្រូវបានឃុំឃាំងដោយតុលាការជាបន្តបន្ទាប់នៅពន្ធនាគារព្រៃស ក្នុងខណ្ឌដង្កោ រាជធានីភ្នំពេញ។

អ្នកទោសជាមន្រ្តីមកពីគណបក្សសង្រ្គោះជាតិចំនួន១២នាក់រួមទាំងលោក ហុង សុខហ៊ួសមាជិកព្រឹទ្ធសភាមកពីគណបក្សសម រង្ស៊ី លោក មាជសុវណ្ណារ៉ា ប្រធាននាយកដ្ឋានប្រព័ន្ធផ្សព្វផ្សាយនៃគណបក្សសង្រ្គោះជាតិនិងសកម្មជន១០នាក់ផ្សេងទៀត។អ្នកទាំង១២នាក់ត្រូវបានចាប់ខ្លួនបន្តបន្ទាប់ ចាប់តាំងពីខែតុលាឆ្នាំ២០១៥ចោទប្រកាន់និងឃុំខ្លួននៅពន្ធនាគារព្រៃស។

ជនជាប់ចោទ១១នាក់ក្នុងចំណោម១៥នាក់ត្រូវបានតុលាការក្រុងភ្នុងភ្នំពេញបានសម្រេចផ្តន្ទាទោសកាលពីថ្ងៃទី២១ខែកក្កដាឆ្នាំ២០១៥ពីបទកុបកម្មដឹកនាំកុបកម្មនិងចូលរួមកុបកម្ម។ជនជាប់ចោទ៧នាក់ត្រូវបានផ្តន្ទាទោសជាប់ពន្ធនាគារ៧ឆ្នាំនិងជនជាប់ចោទ៤នាក់ទៀតទោស២០ឆ្នាំក្នុងពន្ធនាគារ។

ការសម្រេចរបស់តុលាការត្រូវបានជនជាប់ចោទមិនអាចទទួលយកបានទេព្រោះមិនយុត្តិសម្រាប់ពួកគាត់និងបានពឹងក្រុមមេធាវីការពារក្តីប្តឹងឧទ្ធរណ៍ប្រឆាំងនឹងការសម្រេចរបស់តុលាការក្រុងភ្នំពេញ។ចៅក្រមសាលាឧទ្ធរបានកំណត់ពេលបើកសវនាការលើកបណ្តឹងឧទ្ធរណ៍នៃសំណុំរឿងនេះដែលគ្រោងធ្វើឡើងនៅថ្ងៃទី១៧ខែមីនាខាងមុខនេះបើយោងតាមក្រុមមេធាវីការពារក្តី។

លោក កឹម សុខាបានថ្លែងប្រាប់អ្នកកាសែតក្រៅរបងពន្ធនាគារក្រោយពេលជួបអ្នកទោសថាលោកបានជួបលោក ហុង សុខហ៊ួលោក មាជសុវណ្ណារ៉ានិងសកម្មជនដទៃទៀតនៅក្នុងបន្ទប់ឃុំឃាំងនៃពន្ធនាគារព្រៃស។លោកថ្លែងថាលោកបានជួបអ្នកទោសសរុបដល់ទៅ១៥នាក់មិនមែនតែ១២នាក់រួមទាំងលោកហុងសុខហ៊ួនិងលោកមាជសុវណ្ណារ៉ាផងនៅក្នុងពន្ធនាគារព្រៃស។

លោកកឹមសុខាបានថ្លែងក្រុមអ្នកទោសទាំងនោះមិនមានបញ្ហាសុខភាពធ្ងន់ធ្ងរទេ។តែមានអ្នកខ្លះមានបញ្ហាសុខភាពខ្លះដូចជាឈឺជើងពិបាកដើរជាដើម។អ្នកទាំងនោះនៅមានស្មារតីរឹងមាំដដែលមិនមានបញ្ហាឡើយ។លោក បញ្ជាក់អ្វីដែលលោកចាប់អារម្មណ៍នោះគឺអ្នកទោសទាំងនោះបានប្រាប់លោកថាពួកគាត់ថាអារម្មណ៍របស់គាត់នៅតែស្ថិតក្នុងគណបក្សសង្រ្គោះជាតិដដែលមិនប្រែប្រួលទេ។

លោក កឹម សុខាបានលើកឡើងថាអ្នកជាប់ចោទទាំងនោះបានសំដែងការព្រួយបារម្ភចំពោះការបោះឆ្នោតនិងមានការបញ្ជាក់ដោយព្រួយបារម្ភចំពោះប្រជាពលរដ្ឋនៅខាងក្រៅ(ពន្ធនាគារ)ឲ្យខំរៀបចំខ្លួនទៅបោះឆ្នោតនិងទៅធ្វើអត្តសញ្ញាណប័ណ្ណ។លោកថ្លែងថា"យើងបានមើលឃើញស្មារតីពួកគាត់ទាំងនោះល្អដដែល។ពួកគាត់នៅតែគិតពីការបោះឆ្នោត ពីរឿងប្រទេសជាតិខ្ញុំសូមកោតសសើរ”។

លោក កឹម សុខា បានចំណាយពេលប្រមាណ១ម៉ោងក្នុងការជួបជាមួយអ្នកទោសដែលជាមន្រ្តីនៅសកម្មជនរបស់គណបក្សសង្រ្គោះជាតិ។លោកអះអាងថាចំពោះបញ្ហាស្នើសុំឲ្យមានការដោះលែងយ៉ាងណានោះលោកមិនអាចនិយាយថាទេព្រោះមិនមែនជាការងារដែលលោកត្រូវធ្វើ ។