កាលពី​៣ថ្ងៃមុន គេបានដឹងថាភរិយាដ៏ស្មោះត្រង់​របស់កីឡាករល្បីល្បាញ នៅលើពិភព លោក ​David Beckham មានបំណងលុបរូបសាក់ដេវីដប៊ែកខាំ ​និងពាក្យពេជស្នេហារបស់អ្នកទាំងពីរ ​ក្រោយពេលភរិយាចាប់បានថា ​ស្វាមីរបស់ខ្លួនមានលួចលាក់ស្នេហារ​ជាមួយស្រីស្អាតមកពី​អាហ្សង់ទីន។

ជាយូណាសមកហើយ គូស្វាមីភរិយារបស់ដេវិដប៊ែកខំា​ត្រូវបានគេចាត់ទុកថាជាគំរូដ៏ល្អ ដល់គូស្នេហ៍ជាច្រើនទៀតនៅលើពិភពលោក ដោយសារតែអ្នកទាំងពីររស់នៅយ៉ាងមានសេចក្តី​សុខ និងមានកូន​៤នាក់ជាមួយគ្នាទៀតផង គឺស្រី​៣ និងប្រុសម្នាក់។

តើមានរឿងអ្វី ដែលអាចធ្វើឲ្យគ្រួសារលោកប៊ែកខាំត្រូវបែកបាក់? តាមប្រភពព័ត៌មាន The Sun នាងវិចទ័ររៀខឹងសម្បាយ៉ាងខ្លាំង ពេលដឹងថាប្តីសំណប់របស់ខ្លួនលួចលាក់មានស្នេហា​​ជាមួយតារាបង្ហាញម៉ូត​ អាយុ​៣៤ឆ្នាំ ជនជាតិអាហ្សង់ទីន ​ឈ្មោះ​ Karina Jelinek ដែលអ្នកទាំងពីរ​បានស្គាលគ្នា ពេលបានចូលរួមកម្មវិធីមួយ នៅសណ្ឋាគា Sansoho រដ្ឋហ្ល័រីដាអាមេរិក។

ដោយសារតែភាគីខាងស្រី​មានរូបសម្បត្តិស្រស់ស្អាត និងការនិយាយាស្តីមានភាពទាក់ទាញខ្លាំង ធ្វើឲ្យប៊ែកខាំ ដែលមានបេះដូងស្មោះតែជាមួយភរិយា ក៏ត្រូវញ៉បញ័រ ទប់ចិត្តមិនបាន ក៏លង់ស្នេហ៍ភ្លេចប្រពន្ធ និងកូន​៤នាក់នៅផ្ទះ។ ចំណុចទាំងនោះហើយបានធ្វើឲ្យភរិយាខឹងយ៉ាងខ្លាំង ក៏សម្រេចលុបរូបបែកខាំ ដែលជាចំណងស្នេហ៍របស់អ្នកទាំងពីរទៀតផង។

មកទល់នឹងពេលនេះ គេមិនទាន់ដឹងថា គ្រួសារបស់បែកខាំប្រែក្លាយទៅជាយ៉ាងណានៅឡើយទេ។ ក្រុមអ្នកគាំទ្របែកខាំង មិនចង់ឲ្យគ្រួសារបស់លោកបែកបាក់ទេ ដោយគេចង់ឲ្យរស់នៅជុំគ្នាទុកជា​គំរូរ សម្រាប់តារាល្បីៗនៅលើពិភពលោកផ្សេងទៀត៕

• ក្បត់
• បែកបាក់
• david beckham