រាជធានីភ្នំពេញ៖  ជាការយល់ឃើញថាមនុស្សសំខាន់ណាស់រឿងលុយបើគេធ្វើអ្វីដោយភាពតស៊ូគឺចង់បាននូវលាភជ័យមកវិញ។ជាក់ស្តែងនាយកុយក៍យកប្រការមួយនេះមកអនុវ្តន៍ជាមួយក្រុមការងារដោយគិតក្នុងចិត្តរួចជាប្រចាំថាសម្តែងចប់បើកលុយមិនស្ពាយក្តោបទៅផ្ទះតែឯងនោះទេ។

តារាកំប្លែងជើងចាស់នាយកុយភ្នែកតូចនៅតែមានពន្លឺចែងចាំងក្នុងពិភពសិល្បៈទោះជាមានរលកក្រោយជាច្រើនបន្តផុសសាយពេញពិភពកំប្លែងយ៉ាងណាក៍ដោយ។ភាពលូតលាស់នេះផ្តល់បានតារាកំប្លែងនាយកុយបានក្តាប់នូវឱកាសជាច្រើនទោះលំបាកលោកនៅតែមិនដកថយដែរ។

បើទោះជាវ័យកាន់តែហក់ឡើងនូវតួលេខច្រើនយ៉ាងណាក៍តារាកំប្លែងលំដាប់ជួរមុខរីកឈ្មោះជាច្រើនរដូវកាលនាយកុយនៅតែត្រូវបានមហាជនទូទៅទាំងក្នុងនិងក្រៅប្រទេសពេញពេញនិយមរូបលោកដដែលនិងចាត់ទុកថាជាតារាកំប្លែងតំណាងកម្ពុជាក្នុងជំនាន់នេះ។ទោះបីជាលោកទទួលបានផ្លែផ្កាជាច្រើនក្តីក៍លោកមិនដែលមានចិត្តដកថយកលាឈប់ដាច់ចេញពីសិល្បៈនោះឡើយ។លោកមានការព្យាយាមការងារមួយនេះគ្រប់រូបភាពទំរាំគ្រងឈ្មោះល្បីតពីរដូវកាលមួយទៅរដូវកាលមួយ។

លោក ជួង ជី ហៅនាយកុយបានឲដឹងថាពិតណាស់លោកមានអាយុច្រើនទៅហើយដោយឆ្នាំនេះអាយុ៦១ឆ្នាំគត់បើនិយាយពីជំងឺវិញក៍មានដែរមិនអត់នោះទេសំខាន់យើងស្តាប់តាមការណែនាំរបស់ពេទ្យជាសំខាន់ទើបលោកមានសុខភាពល្អអាចសម្តែងបានដូចពីមុន។

លោកថា ការកំប្លែងត្រូវមានពាក្យពេចន៍ស្តាប់កុំឈ្លើយឬចំអេះចំអាស់ជ្រុលនិយាយគិតមុនគិតក្រោយនិងចេះរកវិធីសម្តែងប្លែកៗឲ្យគេប្លែកភ្នែករហូត។ប្រការសំខាន់ក្នុងនាមអ្នកកំប្លែងល្បីឈ្មោះបានយូរឬមិនមានអ្នកកំប្លែងជាតួកុនចម្រៀងក៍ដោយចំនុចសំខាន់ការគោរពពេលវេលាគោរពវិន័យសុជីវធម៌ដឹងចាស់ទុំរៀមច្បងមិនក្រអើតក្រទមជាផ្នែករុញឲយើងល្បីគេចូលចិត្ត។

ករណីពេលវេលាសំខាន់ណាស់បើទទួលការងារគេហើយម៉ោងប៉ុណ្ណាត្រូវទៅចាំគេមុនបន្តិចបន្តួចក៍មិនជាការខាតដែរស៊ូទៅចាំអង្គុយយកលុយមុនកុំចាំលុយរត់រក។ចំនុចមួយទៀតការចរចារតម្លៃជាមួយតួឬកូនក្រុមលោកមុនសម្តែងគឺសួរកូនក្រុមថាតម្លៃប៉ុណ្ណឹងយកបានអត់បើបានប្រាប់មុនកុំយកហើយរអ៊ូតាមកក្រោយ។ចំពោះអ្នកចែកចំណែកឬមេចំណែកបើបានលុយកម្មវិធីច្រើនដែរក៍មិនត្រូវឲ្យកូនក្រុមតិចដែរសិល្បៈសំខាន់ណាស់ការចែកលាភហើយត្រូវចែកភ្លាមៗក្នុងឡានក្រោយសម្តែងចប់អត់ទុកយូរបានទេអ្នកណាក៍ចង់បានលុយភ្លាមៗដែរ។ទាំងអស់នេះជាការដែលោកមានទំលាប់ធ្វើជាមួយក្រុមការងារមិនដែលកេងចំណេញនោះទេព្រោះថាការផ្តល់លាភឲគ្នាទៅវិញទៅមកគឺជាការជួយទូកយើងឲ្យដើរទៅមុខណាមួយនេះជាក្រុមរបស់យើងទូលលឿនល្អទាល់តែក្រុមជិះទូកទាំងអស់គ្នាប្រឹងទើបដល់គោលដៅ។                           

• នាយកុយ
• បែកបាក់
• ល្បី