ក្រុមអិស្លាមបង្កើតរដ្ឋ​IS ពេលនេះកំពុងតែចាយប្រាក់ ក្នុងការអូសទាញយុវជនក្រីក្រគ្មានការងា​ធ្វើ នៅក្នុងទ្វីបអាហ្វ្រិកមកចូលរួមក្រុមរបស់ខ្លួន ក្រោយពេលដែលក្រុម​IS រងការខាតបង់យ៉ាងច្រើនទាំងទ្រព្យសម្បត្តិនិងអាយុជីវិត ក្រោមការវាយប្រហារពីអាមេរិក​និងសម្ព័ន្ធមិត្ត ព្រមទាំងប្រទេសរុស្ស៊ីផងដែរ។

មន្ត្រីចារកម្ម​លិបីបានឲ្យដឹងថា IS ពេលនេះកំពុងតែបង្កើតកងពលមួយសុទ្ធសឹងតែជាអ្នកក្រ គ្មានការងាធ្វើសម្រាប់ធ្វើសកម្មភាពនៅក្នុងទីក្រុងកំពុងផែ Sirte ប្រទេសលីបី។ ទទឹមនិងនោះ​ក្រុម​IS បានជ្រើសរើសយុវជនក្រីក្រនៅក្នុងប្រទេស​Chad, Mali និង​ស៊ូដង ដោយអាចផ្តល់ប្រាក់​ប្រមាណ​១ពាន់ដុល្លារសម្រាប់អ្នកដែលព្រមចូលរួមក្នុងក្រុមរបស់ខ្លួន។ ប្រាក់១ពាន់ដុល្លារពិត​ជាច្រើនខ្លាំងណាស់សម្រាប់ពលរដ្ឋក្រីក្រនៅក្នុងទ្វីបអាហ្វ្រិក ដោយមធ្យមក្នុងមួយថ្ងៃ ពលរដ្ឋក្រីក្រ រកបានប្រាក់ចំណូលប្រមាណ​១ដុល្លារក្នុង​មួយថ្ងៃ។

រដ្ឋាភិបាលលីបីទទួលស្គល់ថា ខ្លួនអសម្ថភាពក្នុងការរារាំងហ្វូងមនុស្ស ដែលចូលមកលីបីចូលរួមជាមួយក្រុម​IS ។  ក្រុមអិស្លាមបង្កើតរដ្ឋ​បានប្រើប្រាសយុទ្ធសាស្ត្រ​របស់អតីត​មេដឹកនាំ​ហ្គាដាហ្វី ដែលបានប្រើប្រាស់ទឹកប្រាក់ក្នុងការជ្រើសរើសទាហានស៊ីឈ្នួលរាប់ពាន់នាក់មកពី​ទ្វីបអាហ្វ្រិកសម្រាប់ការពារខ្លួន។

តាមការគត់សម្គល់របស់រដ្ឋាភិបាលលីបី រយៈពេលកន្លងមកទាហានទ្វីបអាហ្រិកជាច្រើនបាន​បង្ហាញវត្តមាននៅក្នុងជុំរុំក្រុម​IS ស្ថិតនៅទីក្រុង​Sirte ប្រទេសលីបី​។ ក្រុម​IS បានជ្រើរើសទាហានបានប្រមាណ២០០០ទៅ​៣០០០នាក់ ដោយមានបំណងប្រែក្លាយទីក្រុង កំពុងផែប្រទេសលីបីទៅជាទីតាំងគ្រប់គ្រង​របស់ពួគគេ​ ដូចជានៅក្នុងទីក្រុង​Raqqa បឬតេសស៊ីរី។

ចំពោះស្ថានភាពខាងលើ​ អាមេរិក អង់គ្លេស និងប្រទេសជាច្រើនទៀតបានជម្រុញឲ្យរដ្ឋាភិ​បាល​លីបីអនុញ្ញាត្តិឲ្យបញ្ចូនកម្លាំងទាហានទៅកាន់ទីនោះដើម្បីកម្ចាត់ក្រុម​IS ក៏ដូចជាហ្វឹកហាត​ដល់កម្លាំងទាហានក្នុងតំបន់សម្រាប់ទប់ស្កាត់និងការរីករាលដាលរបស់ក្រុម​IS៕

• ក្រុមអិស្លាម
• ទ្វីបអាហ្វ្រិក