រាជធានីភ្នំពេញ៖ សម្តេច ហ៊ុន សែន នាយករដ្ឋមន្រ្តីបានសរសេរក្នុងបណ្តាញសង្គមរបស់សម្តេចថាព្រឹកថ្ងៃទីនេះខ្ញុំបានពិភាក្សាការងារជាមួយនាយករដ្ឋមន្ត្រីជប៉ុនស៊ីនហ្សូអាបេដោយផ្តោតសំខាន់លើទំនាក់ទំងសហប្រតិបត្តិការទ្វេភាគីកម្ពុជាជប៉ុន។

សម្តេចហ៊ុនសែនបានលើកឡើងថាខែ កញ្ញា ២០១៦ ខាង មុខនេះនឹងមានការហោះហើរត្រង់ពីជប៉ុនមកកម្ពុជា ព្រមពេលដែលទំហំពាណិជ្ជកម្មរវាងប្រទេសទាំង២បានកើនឡើងដល់ជាង១០០០ លានដុល្លារ កាលពីឆ្នាំ២០១៥កន្លងទៅ និងបន្តកើនឡើងជាមួយការវិនិយោគនិងទេសចរណ៍កំពុងមានកំណើន។

សម្តេចបញ្ជាក់ថាខ្ញុំក៏បានពិភាក្សាជាមួយនាយករដ្ឋមន្ត្រីជប៉ុនអាបេលើកិច្ចសហការជួយគ្នាក្នុងកងកម្លាំងរក្សាសន្តិភាពអង្គការសហប្រជាជាតិ។ នាយករដ្ឋមន្ត្រីជប៉ុនតាមរយៈខ្ញុំ ក៏បានអញ្ជើញ ហ៊ុន ម៉ាណែតដែលជាអ្នកដឹកនាំវ័យក្មេងទៅទស្សនៈកិច្ចនៅជប៉ុន។ ក្នុងនាមជាឳពុក ខ្ញុំបានថ្លែងអំណរគុណគាត់ដែលមានមនោសញ្ចេតនារាប់អានដល់កូនប្រុសរបស់ខ្ញុំ៕

• កម្ពុជា
• ជប៉ុន