កាលពីយប់ថ្ងៃទី១ខែកុម្ភៈ ម៉ោងនៅអាមេរិក បណ្តាបេក្ខភាពប្រធានាធិបតីអាមេរិកមកពីគណបក្សប្រជាធីបតេយ្យនិងគណបក្សសាធារណរដ្ឋ បានឈានចូលដំណាក់កាលបោះឆ្នោតជាបឋមដំបូងបង្អស់ ក្នុងការស្វែងរកសម្លេងគាំទ្រក្លាយជាប្រធានាធិបតីអាមេរិក។ ការបោះឆ្នោតជាបឋមបានធ្វើឡើងនៅរដ្ឋ Iowa ។

ចូលរួមនៅក្នុងការបោះដំបូងបង្អស់ធ្វើឡើងនៅទីក្រុង Des Moines រដ្ឋIowa ។ បេក្ខភាបមកពីគណបក្សសាធារណរដ្ឋរួមមាន អតីតរដ្ឋមន្ត្រីការបរទេស លោកស្រីហីលឡារីគ្លីនតុន  សមាជិកព្រិទ្ធភាមកពីរដ្ឋVermont លោកBernie Sander និងអភិបាលរដ្ឋម៉ារីឡែនលោក Martin O’Malley។

ក្នុងពេលនោះបក្ខភាពមកពីគណបក្សសាធារណរដ្ឋមាន បេក្ខភាពដល់ទៅ១១រូបក្នុងនោះមាន លោកDonald Trump, Ted Cruz , Ben Carson , Chiris Christie , Jeb Bush... ជាដើម។

តាមការស្ទងមតិរបស់បណ្តាញព័ត៌មាន Bloomberg Politics ធ្វើឡើងមុនការបោះឆ្នោតមួយសប្តាហ៍បង្ហាញឲ្យឃើញថាចំនួនពលរដ្ឋដែលគាំទ្រលោកស្រីគ្លីនតុន និងលោក Vermont Bernie Sander នៅក្នុងរដ្ឋ Iowa មាន ៤៥%និង ៤២%។ ចំណែកលោកដូណាលត្រាំមកពីគណបក្សសាធារណរដ្ឋទទួលបានសម្លេងគាំទ្រ២៨%ខ្ពស់ជាងបេក្ខភាពនានានៅក្នុងគណបក្សរបស់ខ្លួន។

តាមរដ្ឋធម្មនុញ្ញអាមេរិក ក្នុងរយៈពេល៤ឆ្នាំនិងមានការបោះឆ្នោតជ្រើសរើសប្រធានាធិបតីម្តង ហើយបេក្ខភាពប្រធានាធិបតីត្រូវតែមានអាយុចាប់ពី៣៥ឡើងទៅ និងត្រូវកើតនៅលើទឹកដីអាមេរិក ឬរស់នៅអាមេរិកយ៉ាងតិច១៤ឆ្នាំ លើសពីនេះទៅទៀតគ្មានបេក្ខភាពណាមួយកាន់ដំណែងលើសពី២អាណាត្តិនោះឡើយ៕

• ការបោះឆ្នោត