រាជធានីភ្នំពេញ ៖ កម្លាំងនគរបាល នៃនាយកដ្ឋានអន្តោប្រវេសន៍ដឹកនាំដោយឧត្តមសេនីយ៍ទោអ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធី បានចុះឃាត់ខ្លួនជនជាតិវៀតណាមប្រុសស្រីរស់នៅ និងធ្វើការខុសច្បាប់ ចំនួន ២៤នាក់ នៅភូមិគីឡូម៉ែត្រលេខ៩ ក្នុងសង្កាត់ស្វាយប៉ាក ខណ្ឌឬស្សីកែវ កាលពីវេលា ម៉ោង ១៧ និង ០០នាទីល្ងាចថ្ងៃទី០៦ ខែមករា ឆ្នាំ២០១៦ ។
ប្រតិបត្តិការចុះឃាត់ខ្លួនខាងលើធ្វើឡើង ក្រោមការឯកភាពពីព្រះរាជអាជ្ញាររងអមសាលាដំបូងរាជធានីភ្នំពេញ លោកមាស ច័ន្ទពិសិដ្ឋ ។ ជាលទ្ធិផល សមត្ថកិច្ចអន្តោប្រវេសន៍រកឃើញជនជាតិវៀតណាម២៤នាក់ ក្នុងនោះស្រី ១២នាក់ ដែលពួកគេលួចលាក់ធ្វើការ និងស្នាក់នៅខុសច្បាប់ នៅកម្ពុជា ហើយគ្មានលិខិតស្នាម ពាក់ព័ន្ធអ្វីទាំងអស់ ។