ភ្នំពេញ៖ បុរសម្នាក់ទំនងជាងងុយដេកបានបើករថយន្តកូរ៉េដឹកផ្លែឈើពេញព្រៀប ទៅបុកនឹងរបាំងថ្មពុះចែកទ្រូងផ្លូវខូចខាតចំនួន២កង់ ហើយរថយន្តបានក្រឡាប់ចាក់ផ្លែឈើពាសពេញផ្លូវ សំណាងល្អមិនអ្នករងរបួស ។ ហេតុការណ៍នេះបានកើតឡើងកាលពីវេលាម៉ោង១នឹង១០នាទីរំលងអាធ្រាតឈានចូលថ្ងៃទី២១ ខែមករា​ ឆ្នាំ២០១៦ ខាងលិចផ្សារដើមគ តាមបណ្តោយផ្លូវម៉ៅសេទុង ស្ថិតក្នុងសង្កាត់ផ្សារដើមគ ខណ្ឌទួលគោក ។

          ប្រភពពត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តកូរ៉េ  ពណ៍ខៀវ ពាក់ស្លាកលេខ កំពង់ចាម 2A-0290 ដឹកផ្លែពេញប្រៀបលើរថយន្ត បើកតាមបណ្តោយផ្លូវម៉ៅ សេទុង ទិសដៅពីកើតទៅលិច ខណះមកដល់ចំណុចកើតហេតុដោយតៃកុងរថយន្តទំនងជាងងុយ​ដេកងួកមួយភាំង បានបុករបាំងថ្មពុះចែកទ្រូងផ្លូវខូចខាតចំនួន២កង់ ហើយរថយន្តបានក្រឡាប់ចាក់ផ្លែឈើពាសពេញផ្លូវ ប៉ុន្តែមិនបង្កឱ្យនណារម្នាក់រងរបួសនោះទេ ។ ក្រោយកើតហេតុសមត្ថកិច្ចជំនាញធ្វើការវាស់វែង និងយករថយន្តទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយនាពេលក្រោយ ៕

• ទំនងជាងងុយដេក
• ដឹកផ្លែឈើ