ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ូស្តិ៍ផ្សារដេប៉ូទី១ឃាត់ជាប់បន្ទាប់ពីរួបគេបានធ្វើសកម្មភាព​ប្រើកាំភ្លើងជ័រភ្ជុងប្លន់យកម៉ូតូពីបុរសអ្នករត់ម៉ូតូឌុបម្នាក់បានសម្រេច កាលពីវេលាម៉ោង១០និង៣០នាទី​យប់ ថ្ងៃទី២០ ខែមករា ឆ្នាំ២០១៦ នៅតាមបណ្តោយផ្លូវលេខ១៨៨ ស្ថិតក្នុងសង្កាត់ផ្សារដេប៉ូ១ ខណ្ឌទួលគោក។ជនរងគ្រោះឈ្មោះឃុត ម៉ាញ ភេទប្រុសអាយុ៣២ឆ្នាំ មុខរបរត់ម៉ូតូឌុប ស្នាក់នៅម្តុំផ្សារទួលសង្កែ សង្កាត់ទូលសង្កែរ ខណ្ឌឬស្សីកែវ ជិះម៉ូតូម៉ាកឌ្រឹមសង់ សេរីឆ្នាំ២០០៨ ពណ៍ខ្មៅ ពាក់ស្លាកលេខភ្នំពេញ1AL. 0891 ។ចំណែកជនសង្ស័យឈ្មោះ នី សុភា ភេទប្រុសអាយុ៣៥ ស្នាក់នៅផ្សារដីហុយ សង្កាត់ភ្នំពេញ ថ្មី ខណ្ឌសែនសុខ។

តាមសំដីជនរងគ្រោះបានរៀបរាប់ថា​នៅមុនពេលកើតហេតុរួបគេបានដឹកជនសង្ស័យមកពីចំណុចមុខ​ហាងខារ៉ាអូខេប៉សស្តា​ តាមបណ្តោយផ្លូវលេខ៥៩៨ បំណងទៅលេខ១៨៨ ខណៈមកដល់ចំណុចកើត​ហេតុស្រាប់តែជនសង្ស័យអោយឈប់ម៉ូតូបន្ទាប់មកក៏បានវាយទៅរួបគាត់មួយដៃហើយដកកាំភ្លើង​ខ្លី ជាកាំភ្លើងជ័រ ពីចង្កេះ ភ្ជុង គំរាមយកម៉ូតូ។ ជនរងគ្រោះបានបន្តថា បន្ទាប់មករួបគេបានរត់ចេញពីម៉ូតូហើយស្រែកថាចោរៗទើបបង្កឲ្យផ្អើ​លដល់ប្រជាពលរដ្ឋដែលនៅក្បែរ គាប់ជួនត្រូវបានសមត្ថកិច្ចដែលកំពុងល្បាតលឺក៏ដេញឃាត់បាន​ភ្លាមៗតែម្តង។

            ក្រោយពេលកើតហេតុជនសង្សយត្រូវបានសមត្ថកិច្ចបាននាំជនសង្ស័យយកទៅអធិការដ្ឋាននគរបាលខណ្ឌទួលគោកដើម្បីធ្វើការសាកសួបន្ត៕

• កាំភ្លើងជ័រ
• កម្លាំងនគរបាល