រាជធានីភ្នំពេញ៖​​  តារាកំប្លែងអាយ៉ៃលោកយាយណយ សំណាងនៅតែទទួលការតាមយាយីក្នុងបញ្ហាមុខជំងឺចាស់ជរាកំពុងវាយបកលោកយាយផ្តាច់មិនឲ្យធ្វើអ្វីបានរហូតលោកយាយមានការខកចិត្តខ្លាំងឥតឧបមាមិនគួរបានផ្ទះថ្មនៅដែលជាការផ្តល់ជូនពីម្ចាស់ជំនួយដ៍ជ្រះថ្លាបែរជាឈឺគ្មានពេលដកឃ្លារួច។​ យ៉ាងណាក៍ដោយតារាកំប្លែងជើងចាស់មហាជនស្គាល់និងកំពុងទ្រុតទ្រោមដោយជំងឺនៅតែសម្តែងការអរគុណដឹងគុណចំពោះទឹកចិត្តដ៍មហាធំធេងរបស់សប្បុរជននានាទាំងអស់និងសប្បុរជនចិត្តធម៌មួយរូបដែលបានកាដូនិងផ្តល់នូវផ្ទះថ្មមួយល្វែងមាន២ជាន់នៅក្រោយវត្តសន្សំកុសលបានចែកនិងផ្តល់ឲ្យលោកយាយរស់នៅសមរម្យក្រោយពីប្រឡូកសិល្បៈរាប់ឆ្នាំគ្មានសល់អ្វីសោះនោះ។

ក្នងសភាពជំងឺបុកម្នេញតារាកំប្លែងលោកយាយណាងបានថ្លែងក្នុងទីផ្ទះស្នាក់អាស្រ័យថាលោកយាយបានមកស្នាក់នៅទីនេះគ្មានអ្វីមកជាមួយក្រៅពីខ្លួននិងរបស់របរដ៍តិចតួចប៉ុណ្ណោះពេលមកនៅផ្ទះនេះចូលមកភ្លាមមានតាំងពីតុទូកៅអី ពូក គ្រែ មុង ភួយ ទូចាន ពោលមួយកំប្លេតែម្តងដែលម្ចាស់សប្បុរធម៌គេរៀបចំជូនមិនឲ្យខ្វល់ចិត្តសោះឡើយធ្វើឲ្យលោកយាយស្រឡាំងកាំងតែម្តងនឹកភ្ញាក់ផ្អើលថាឱលោកអើយធ្វើការសិល្បៈជិតស្លាប់ទៅវិញហើយមិនធ្លាប់គិតថាមានផ្ទះនៅស្រួលចិត្តដូចពេលនេះឡើយពិតជាទឹកចិត្តមួយវិសេសមហាសាលសម្រាប់លោកយាយក្នុងការទទួលបានផ្ទះនេះណាស់។ទោះបីជាយ៉ាងណាលោកយាយណាងថាខ្លួនពិតជាឆ្ងល់មិនដឹងជាជំងឺនឹងមកបៀតបៀនមិនចប់សោះបានផ្ទះនៅស្រួលមានគេអាណិតជួយផ្តល់អំណោយផ្សេងៗសម្រាលទុក្ខឲ្យស្បើយហើយបែរជាមកសាំចិត្តរឿងឈឺជំងឺផ្សេងៗអត់ចេះស្វាងសោះឈឺរហូតដើរមិនចង់រួចឡើយ។

លោកយាយទើបតែមកពីខេត្តសុរិន្ទមើលជំងឺហើយពេទ្យនៅទីនោះឲ្យវះកាត់បេះដូងដាក់ថ្មដោយគេថាអាចរស់បាន១០ឆ្នាំទៀតតែបើមិនបានវះកាត់គឺយូរបំផុត២ទៅ៣ឆ្នាំដោយក្នុងចិត្តភ័យមិនហ៊ានវះកាត់នោះទេខ្លាចណាមួយក្នុងខ្លួនគ្មានកម្លាំងទៅដេកវះសោះមិនដឹងធ្វើបែបណាឡើយពេលនេះ។ស្របពេលជាមួយគ្នានេះលោកយាយមានតែសមាធិបន់ព្រះសំពះទេវតាសុំជួយឃុំគ្រងរូបលោកយាយឲ្យមានកម្លាំងរឹងមាំឡើងវិញដើម្បីមើលថែរខ្លួននិងកូនចៅនិងមើលផ្ទះសប្បែងឲ្យបានពេញមុខមាត់ភ្លឺនឹងភ្នែកដើម្បីឲ្យបានអស់ចិត្តពេញចិត្ត។ស្របពេលជាមួយគ្នានេះដែរលោកពេជ្រ កែវមុនីអភិបាលនៃគណៈអភិបាលខណ្ឌមានជ័យក៍បានចុះផ្ទាល់ទៅសួរសុខទុក្ខដល់គេហដ្ឋានរបស់លោកយាយណយ សំណាងផ្ទាល់ដោយលោកបានផ្តល់ជូននូវថវិកា១០០ដុល្លារអង្ករមួយប៉ាវទឹកសុទ្ឋទឹកត្រីមីផងដែរ។

លោកអភិបាលបានផ្តាំផ្ញើឲ្យលោកយាយណាងកុំគិតច្រើនខិតខំពង្រឹងស្មារតីគ្រប់គរងសុខភាពព្រោះមានផ្ទះនៅមិនលំបាកកម្សត់នៅផ្ទះជួលដូចមុននោះទេ។មានតែការធ្វើឲ្យខ្លួនមានក្តីសុខនិងកាតតាំងជំហរទេទើបរឹងមាំល្អនិងធ្វើឲ្យសប្បាយចិត្តប៉ុណ្ណោះ។យ៉ាងណាលោកពិតជាពេញចិត្តនិងចូលចិត្តទេពកោសល្យលោកយាយណាងដែលមានទឹកចិត្តស្រឡាញ់និងជួយលោកស្ទួយវិស័យសិល្បៈតាំងពីដើមមកនេះជាធនធានសិល្បៈមួយកម្រមានផងដែរ។បន្ថែមពីលើលោកអភិបាលបានបន្តដំណើរចុះចែកអំណោយមួយចំនួនទៀតដល់អ្នកស្រីវណ្ណ ថនតារាសម្តែងជើងចាស់និងជាអនុប្រធានភូមិសង្កាត់ទំនប់ទឹកដើម្បីសួរសុខទុក្ខនិងផែនការផ្សេងៗក្នុងភូមិសាស្ត្រដើម្បីកែលម្អនិងដោញស្រាយ។                          

• យាយណាង
• មិនគួរ