រាជធានីភ្នំពេញ៖  នៅពេលនេះកញ្ញាយេយេតារាសម្តែងភេទទី៣ដែលកំពុងតែមានសន្ទុះកេរ្តី៍ឈ្មោះសិល្បៈកាន់តែច្រើនឡើងក្នុងការទាក់ទាញនាងកាន់តែស្រួលចិត្តម្តងទៀតហើយក្រោយពេលដែលនាងរួចផុតចំណងកុងត្រាចប់កិច្ចសន្យាជាមួយស្ថានីយ៍ទូរទស្សន៍ដែលនាងអាចដើរសម្តែងបានគ្របស់ស្ថានីយ៍ទូរទស្សន៍នានាដែលចង់បាននាងសម្តែង។

រយៈពេលយូរមកហើយដែលកញ្ញាយេយេនិងមិត្តរួមអាជីពបង្ហាញវត្តមានក្នុងស្ថានីយ៍ទូរទស្សន៍ពីរញឹកញាប់ជាងគេក្នុងនោះរួមមានទូរទស្សន៍អ៊ីធីវីនិងភីអិនអិនដែលនាងបង្ហាញវត្តមានញឹកញាប់ធ្វើឲ្យមហាជនបានផ្ទុះសំណើចក្រោយពេលដែលនាងផ្តល់ភាពរីករាយសប្បាយចែកជូនមហាជនសើចបំបាត់ទុកផងដែរ។ យ៉ាងណាយេយេនៅតែមានចិត្តចង់បង្ហាញស្នាដៃរបស់ខ្លួននៅតាមបណ្តាស្ថានីយ៍ទូរទស្សន៍មួយចំនួនដែលចង់បាននាងមករួមសហការសម្តែងកំប្លែងផ្តល់សំណើចដល់ទស្សនិកជនក្នុងកម្មវិធីតន្ត្រីរបស់អ្នកដឹកនាំកម្មវិធីចង់បាន។ព្រោះតែមូលហេតុជាប់កុងត្រានេះហើយដែលនាងមិនអាចរំលងលក្ខខណ្ឌបានទើបនាងខំបំពេញការងាររហូតចប់កុងត្រាទើបសប្បាយចិត្តអាចងាកទៅច្បាមការងារទាំងអស់តាមស្ថានីយ៍ទូរទស្សន៍ជាច្រើនចង់បាននាងសម្តែង។

តារាសម្តែងភេទទី៣ដែលមានហាងឆេងល្អឡើងៗក្នុងសិល្បៈកាន់តែមានគេស្គាល់កញ្ញាយេយេបានបង្ហើបឲ្យដឹងថានាងពិតជារីករាយព្រោះថាការងារសិល្បៈដែលនាងសម្តែងនៅលើឆាកតន្ត្រីទូរទស្សន៍មានពីរប៉ុស្ត៍ញឹកជាងគេគឺប៉ុស្តី៍អ៊ីធីវីនិងភីអិនអិនផ្សាយផ្ទាល់ទាំងពីរគ្រាន់តែថ្ងៃខុសគ្នា។យ៉ាងណាក្នុងនោះមានទូរទស្សន៍ភីអិនអិននាងពិតជាមានកុងត្រាជាមួយគេយូរមកហើយតែពេលនេះបានត្រូវបានបញ្ចប់ទាំងស្រុងព្រោះបានចប់កុងត្រាផឹងតែម្តង។នាងថាពេលនេះនាងអាចបង្កើនការងារច្រើនជាងមុនដោយអាចបន្តបង្ហាញវត្តមាននៅតាមប៉ុស្តី៍ទូរទស្សន៍ផ្សេងៗតាមសំណូមពរអ្នកដឹកនាំកម្មវិធីមិនអាចបដិសេធបានដូចមុននោះទេ។យ៉ាងណាមិញនេះឱកាសមួយដែលសប្បាយចិត្តព្រោះមិនត្រឹមតែអាចពង្រីកទីផ្សារបាននោះទេក៍ជាឱកាសអាចរកបានប្រាក់បន្ថែមទៀតសម្រាប់ចាត់ចែងការចំណាយផ្សេងៗក្នុងបន្ទុកគ្រួសារដែលនាងត្រូវរ៉ាប់រងមិនត្រូវនៅទ្រឹងបានអ្នកផ្ទះជាចំណែករបស់នាងជួយរកទប់ទល់ដែលនាងពេញចិត្តជួយមិនដែលគិតថាហត់នឿយឡើយ។តារាភេទទី៣តែមានចិត្តព្យាយាមតស៊ូនិងឆាកជីវិតរហូតលេចធ្លោក្នុងវិថីសិល្បៈរូបនេះបន្តថានាងនិងព្យាយាមការងារសិល្បៈនេះឲ្យបានល្អឡើងៗដើម្បីធ្វើយ៉ាងណាឲ្យមហាជននិងអ្នកគាំទ្រចូលចិត្តកាន់តែច្រើនស្របពេលសិល្បៈរបស់នាងហុចផលជាលំដាប់សូម្បីតែនាងផ្ទាល់ក៍មានចិត្តភ្ញាក់ផ្អើលនិងខំតស៊ូចាប់យកការសម្តែងនិងពាក្យពេចន៍កំប្លែងឲ្យបានល្អនិងប្រកបដោយគុណធម៌ស្តាប់ទៅមិនមានអ្វីទាស់ខុសជ្រុលឡើយ។

ទោះបីជាយ៉ាងណាក៍ដោយពេលនេះទីផ្សារសិល្បៈរបស់យេយេឃើញថាដើរបានល្អទៅមុខជាបន្តបន្ទាប់នាងត្រូវបានគេចាបអារម្មណ៍ច្រើនក្រៅពីចេះកំប្លែងនាងក៍មានដងខ្លួនមាឌធំធាត់តែគួរឲ្យក្នាញ់មុខមាត់វិញដូចមនុស្សស្រីថែមទាំងមានសំឡេងពិរោះសមជាមនុស្សស្រីដែលជាកត្តាជួយឲ្យនាងដើរទៅមុខក្នុងសិល្បៈលឿនបែបនេះ។                                             

• យេយេ
• កើបលុយ
• កុត្រា