យន្តហោះមួយគ្រឿងរបស់ក្រុមហ៊ុន​ក្រុមហ៊ុនBritish Aerospace 146ដឹកកីឡាករមួយក្រុមរបស់ប្រេស៊ីល បានជួបគ្រោះថ្នាក់នៅប្រទេសកូឡំបី ។ សារព័ត៌មានរុស្ស៊ី​RT បានផ្សាយថា យន្តហោះខាងលើ បានធ្វើដំណើរហោះហើរឆ្ពោះទៅកាន់អាកាសយានដ្ឋានអន្តរជាតិ ​ Jose Maria Cordova ស្ថិតនៅទីក្រុង Rionegro ជាអាកាសយានដ្ឋានអន្តរជាតិធំទីពីរនៅកូឡំបី ដើម្បីចូលរួមការប្រគួតវគ្គផ្តាច់ព្រ័តពាន់រង្វាន់​ Copa Sudamericana។ នៅពេលគ្រោះថ្នាក់លើយន្តហោះមានមនុស្ស​៨១នាក់ ភាគច្រើនជាសមាជិក​ក្រុមបាលទាត់​ Chapecoense របស់ប្រេស៊ីល។

ប្រភ័ពព័ត៌មាននៅកន្លែងកើតហេតុបានឲ្យដឹងថា យន្តហោះខាងលើជួបគ្រោះថ្នាក់ស្ថិតនៅក្នុងស្រុក​ La Union  ហើយមានអ្នករបួស​១០នាក់បានបញ្ចូនចេញពីយន្តហោះបាក់បែក ក្នុងចំណោមនោះមានរងរបួសធ្ងន់អាចស្លាប់គ្រប់ពេល។ នៅពេលនេះមិនទាន់អាចសន្និដ្ឋានថាមានមនុស្សប៉ុន្មាននាក់ស្លាប់នោះឡើយ។

សារព័ត៌មាន​Mi Oriente បានផ្សាយថា យន្តហោះខាងលើ អសសាំង​ហើយធ្លាក់នៅវេលាម៉ោង ១០និង​១៥នាទីយប់ ម៉ោងក្នុងតំបន់។

សារព័ត៌មាន​RT បានផ្សាយថា ក្លឹបបាលទាត់​ Chapecoense នឹងត្រូវប្រគួតជាមួយក្រុម​ Atletico Nacional របស់កូឡំបី នៅវេលាម៉ោង ៦និង​៤៥នាទីថ្ងៃទី​៣០ខែវិច្ឆិកា(ម៉ោងក្នុងតំបន់) ។ ក្រោយពេលទទួលបានព័ត៌មាន សហព័ន្ធបាលទាត់​អាមេរិកខាងត្បូងបានប្រកាសលុបចោលការប្រគួត។

ប្រភពព័ត៌មាននៅក្នុងតំបន់បានឲ្យដឹងថា យន្តហោះខាងលើដឹកអ្នកដំណើរ​៨១នាក់រួមទាំងក្រុមពហុនិកា បានធ្លាក់នៅក្នុងប្រទេសកូឡំបីក្រោយពេលបាត់ទំនាក់ទំនង ពីប្រព័ន្ធរ៉ាដា។​ក្នុងចំណោមអ្នកនៅលើយន្តហោះមាន ៦នាក់នៅរស។យន្តហោះដែលធ្លាក់នោះជារបស់ ក្រុមហ៊ុនBritish Aerospace 146 ។

• ធ្លាក់យន្តហោះ
• កីឡាករប្រេស៊ីល
• កីឡាករ