កាលពីថ្ងៃទី​១០ខែកុម្ភៈ លទ្ធផលរាប់សន្លឹកឆ្នោតនៅក្នុងការបោះឆ្នោត ជាបឋមនៅក្នុង រដ្ឋ​ New Hampshire ក្នុងការជ្រើសរើសបេក្ខភាពប្រធានាធបិតីអាមេរិកឆ្នាំ​២០១៦ បង្ហាញឲ្យឃើញថា លោក ​Donal Trump និង​សមាជិកព្រឹទ្ធភា John Kasich ជាអ្នកទទួលបានជ័យជំនះក្នុងការបោះឆ្នោតខាងលើ។

នៅក្នុងការបោះឆ្នោតខាងលើ គណបក្សប្រជាធិបតេយ្យក៏មានបេក្ខភាពពីររូបផងដែរគឺ លោកស្រី គ្លីនតុន និង​សមាជិកព្រឹទ្ធភា​ លោក ​Sander។ ដោយឡែក គណបក្សសាធារណរដ្ឋមានបេក្ខភាពដល់ទៅ​ ៨រូប ចូលរួម ក្នុងនោះលោកដូណាលត្រាំ​ នាំមុខលើបេក្ខភាពទាំងអស់។

តាមលទ្ធផលស្ទងមតិក្រៅបន្ទាប់បោះឆ្នោត និងរាប់សន្លឹកឆ្នោត  គណកម្មការរៀបចំការបោះ​ឆ្នោតរដ្ឋ​New Hampshire បានឲ្យដឹងថា លោកដូណាលត្រាំ ទទួលបានជ័យជំនៈនៅក្នុងការបោះឆ្នោតក្នុងរដ្ឋខាងលើ ដោយមានសម្លេងគាំទ្រលោករហូតដល់ទៅ ​៣៣,៩១ភាគរយ។ ចំណែកអ្នកដែលឈរលំដាប់ទីពីរគឺ លោក​ John Kasich មានសម្លេងគាំទ្រ ១៦,១៩ភាគរយ។ ដោយឡែកលោក ​Ted Cruz អ្នកដែលទទួលបានជ័យជំនៈនៅក្នុងការបោះឆ្នោតក្នុង រដ្ឋ​ Iowa បានត្រឹមតែលំដាប់ទី​៤ប៉ុណ្ណោះ ដោយមានសម្លេងគាំទ្រតែ​១១,៤៦ភាគរយប៉ុណ្ណោះ។

ចំណែកបក្ខភាពមកពីគណបក្សប្រជាធិប​តេយ្យវិញ សមាជិកព្រឹទ្ធភា​ Bernie Sanders ទទួលបានសម្លេងគាំទ្រដល់ទៅ​ ៥៦,៦១ភាគរយ នាំមុខលើលោកស្រី គ្លីនតុន ដែលមានសម្លេងគាំតែ​ ៤១,៣៧ភាគរយ។

មានប្រសាស្ត្រទៅកាន់ក្រុមអ្នកសារព័ត៌មាន ក្រោយលទ្ធផលបោះឆ្នោត លោកស្រីគ្លីនតុនបញ្ចាក់ថា​លោកស្រីទទួលយកនៅការបរាជ័យខាងលើ។

នៅក្នុងរដ្ឋ​ New Hampshire គឺជាការបោះឆ្នោតតាំរូបភាពសកលជាលើកដំបូង គឺខុសពី រដ្ឋ​ Iowa  ដោយសារតែនៅក្នុងរដ្ឋ Iowa ការបោះឆ្នោតរៀបចំឡើងដោយគណបក្សរបស់ខ្លួន ចំណែកការបោះឆ្នោតនៅក្នុងរដ្ឋ​ New Hampshire រៀបចំឡើងដោយគណកម្មធិការរៀបចំការបោះឆ្នោត។

នៅក្នុងការបោះឆ្នោតនៅរដ្ឋ​ Iowa លោកស្រីគ្លីនតុន ​ទទួលបានជ័យជំនៈប្រគៀកប្រគិត លើគូប្រជេងមកពីគណបក្សដូចគ្នា គឺលោក ​Sander តែ​០,២ភាគរយប៉ុណ្ណោះ គឺ​ 49,8% - 49,6%។

• បោះឆ្នោតអាមេរិក
• គណបក្សប្រជាធិបតេយ្យ
• គណបក្សសាធារណរដ្ឋ