- ឈ្មោះវិទ្យាសាស្រ្ត៖ Azadirachta indica A.H.L. Juss
- Synonyms:
Malia Azadirachta L. (1753)
Melia indica (AH.L. Juss)
Brandi (1874)
Antelaea Azakirachta (L.)
Adelb. (1948)
- Common Name: Neem
- ឈ្មោះជាភាសារអង់គ្លេស៖ Margosa
- ឈ្មោះជាភាសារបារាំង៖ Margosier
- ឈ្មោះជាភាសារកម្ពុជា៖ ស្តៅ (Sdao)
1- លក្ខណៈទូទៅ៖
ស្តៅជារុក្ខជាតិដែលមានកំពស់ពី 4-6ម រឺលើសពីនេះទៅតាមប្រភេទដី និង ទីកនែ្លង។ វាច្រើនដុះនៅលើទីវាល រឺ ព្រៃស្រោង។ តួដើមជាធម្មតាខ្លី ហើយបែកមែកនៅកំពស់មិនលើសពី7,5ម រឺអង្កត់ផ្ចិតអាចមានទំហំរហូតដល់ 90 សម ហើយតួដើមអាចមានរាងមិនមូលល្អទេ។ ស្តៅត្រូវបានគេនិយមដាំស្ទើរតែពេសពេញសកលលោក។ នៅប្រទេសកម្ពុជា គេនិយមដាំវាដើម្បីយកស្លឹក និង ផ្កាសំរាប់បរិភោគ ហើយដើមវាសំរាប់ប្រើប្រាស់ជាគ្រឿងសំណង់ទូទៅ។ ស្លឹករបស់វាមានរាងមូលស្រួចដូចផ្លែលំពែងខ្លះទៀតមានរាងមួលទ្រវែង។ ផ្កាវាមានពណ៏ស ចំនែកផ្លែមានរាងមូល ទ្រវែង រលោង និង មានពណ៏បៃតងនៅពេលខ្ចី និង ប្រែជាពណ៏លឿងស្រស់នៅពេលទុំ ហើយមានសាសច់ដែលមានជាតិស្អិតរុំស្រោបព័ទ្ធជុំវិញគ្រាប់។ ផ្លែវាទុំនៅចុងខែមេសា ដល់ដើមខែមិថុនា។ សាច់ឈើមានដង់សីតេពី 720-930 គ.ក្រក្នុងមួយម៉ែតគូប(720-930/ម3) នៅក្នុងសំនើម 12%។
2 - សារៈសំខាន់ និង ការប្រើប្រាស់
១ - ការប្រើប្រាស់សំរាប់បរិភោគផ្ទាល់៖ ស្លឹក និង ផ្កាស្តៅត្រូវបានគេបរិភោគជាបន្លែ ដ៏ពេញនិយមពិសេសនៅអំឡុងខែមករា ទៅខែមិនា ជាខែដែលស្តៅផ្កា។
២ - ការប្រើប្រាស់ជាថ្នាំពុលសរីរាង្គ៖ ស្តៅត្រូវបានគេទទួលស្គាល់ថាមានឥទ្ធិពលលើសត្វល្អិតរហូតដល់ 500 ប្រភេទ ដោយរាប់បញ្ចូលទាំង សត្វល្អិត(insects)ខ្មូត(mites) ចៃ(ticks) និង ប្រភេទណេម៉ាតូត (nematodes)មួយចំនួន។ វាមិនបានទៅសំលាប់សត្វល្អិតទាំងនោះដោយផ្ទាល់ទេតែវាមានប្រសិទ្ធិភាពបណ្តេញចេញ និង មានឥទ្ធិពលលើការលូតលាស់របស់សត្វល្អិតទាំងនោះ។
ប្រេងស្តៅក៏យកមកប្រើប្រាស់ជាថ្នាំបាញ់លើសត្វចិញឹ្ចម ឆ្មា និង ឆ្កែ ដើម្បីកំចាត់ចៃ រួមទាំងថ្នាំបញ្តេញមូសផងដែរ។
៣ - ការប្រីប្រាស់ស្តៅជាគ្រឿងសំអាង៖ ប្រេងសៅ្តត្រូវបានគេប្រើប្រាស់ជាប្រភេទគ្រឿងសំអាងដូចជា សាប៊ូដុំ សាប៊ូកក់សក់ ថ្នាំរិត រឺក៏ជាក្រេម។ ឧទាហរណ៏៖ នៅប្រទេសឥណ្ឌា មានសាប៊ូស្តៅ(Margo soap)។ ប្រេងស្តៅមានប្រសិទ្ធិភាពខ្លាំងលើការថែរក្សាស្បែក ដូចជា ការព្យាបាលមុន(acne treatment) និង ជួយការពារស្បែកអោយតឹងណែន។
ប្រភព៖ ដកស្រង់ចេញពី ទស្សនាវដ្តីកសិកម្ម លេខ16
គេហទំព័រៈ WWW. Margosier.com
គេហទំព័រៈWWW. Margosa Neem Shampoo