ស្រុកព្រៃនប់ៈ កាលពីវេលាម៉ោងជិត២ រសៀល ថ្ងៃ០៦ ខែកុម្ភះ ឆ្នាំ២០១៦នេះ មានគ្រោះថ្នាក់ចរាចរណ៏គួរអោយរន្ធត់មួយដែលបានឆក់យកជីវិតបុរសជាប្តី ស្ត្រីជាភរិយានិង កូនតូចម្នាក់ទៀតដែលជិះម៉ូតូMDមួយគ្រឿងជាមួយគ្នាបានស្លាប់បាត់បង់ជីវិតទាំង០៣នាក់យ៉ាងអណោចអាធម័។ គ្រោះថ្នាក់ចរារាចរណ៏បង្ករឡើងដោយថយន្តកាមរីឆ្លាមមួយគ្រឿង បើកបរបញ្ច្រាសទិសគ្នាមានទិសដៅពីក្រុងព្រះសីហនុទៅភ្នំពេញ បានបើកបុកពីមុខពេញទំហឹង ។​ គ្រោះថ្នាក់នេះស្ថិតនៅផ្លូវជាតិលេខ ៤ នៅចន្នោះគីឡូម៉ែត្រលេខ ១៥៩-១៦០ ត្រង់ម្តុំចំការដូងប្រេង ក្នុងស្រុកព្រៃនប់ខេត្តព្រះសីហនុ។

ក្រោយកើតហេតុអ្នកបើកបររថយន្តរត់គេច ហើយកម្លាំងកងរាជអាវុធហត្ថប៉ុស្តិសន្តិសុខ៤០១ កំពុងសហការជាមួយនគរបាលដើម្បីគ្រប់គ្រងកន្លែងកើតហេតុ និង តាមចាប់ខ្លួនអ្នកបើកបររថយន្ត។ (រូបភាពនិងដំណឹងពីមេបញ្ជាការអ.ហខេត្តព្រះសីហនុ)

• រថយន្តកាមរីឆ្លាម
• ស្រុកព្រៃនប់