រាជធានីភ្នំពេញ ៖ មុខសញ្ញាចែកចាយ និងប្រើប្រាស់ថ្នាំញៀនប្រុសស្រីចំនួន១០នាក់ ត្រូវបានកម្លាំងសមត្ថកិច្ចព្រហ្មទណ្ឌ នៃអធិកាដ្ឋាននគរបាលខណ្ឌមានជ័យ ដឹកនាំដោយលោក ហួរ ម៉េងវ៉ាង អធិការរងនគរបាលខណ្ឌ ធ្វើការបង្ក្រាបបាននៅចំណុចផ្ទះខ្ទមឈើមួយ ក្នុងតំបន់អាណាធិបតេយ្យ (ចាក់សម្រាមចាស់ ) ភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ កាលពីវេលម៉ោង ១២ និង ០០នាទីថ្ងៃត្រង់ទី ០៦ ខែកុម្ភះ ឆ្នាំ២០១៦ ដោយធ្វើការដកហូតថ្នាំញៀនមួយចំនួន ។

លោកហួរ ម៉េងវ៉ាង អធិការរងនគរបាលខណ្ឌដែលដឹកនាំកម្លាំងចុះបង្ក្រាបផ្ទាល់ បានប្រាប់អោយដឹងថា មុនឈានដល់ការចុះបង្ក្រាប គឺសមត្ថកិច្ចខណ្ឌ សហការជាមួយនគរបាលប៉ុស្តិ៍មូលដ្ឋាន បានបើកការស្រាវជ្រាវតាមដានមកជាយូរហើយ ។ រហូតមកទល់វេលាខាងលើ ដោយដឹងច្បាស់ពីគោលដៅចែកចាយរបស់ក្រុមមួយនេះ ទើបកម្លាំងសមត្ថកិច្ច បើកប្រតិបត្តិការចុះបង្ក្រាបជាក់ស្តែងតែម្តងទៅ ដោយឃាត់ខ្លួនជនសង្ស័យ១០នាក់ ( ស្រី២នាក់ ) ។

ក្នុងការឃាត់ខ្លួននោះ សមត្ថកិច្ចបានរកឃើញ ថ្នាំញៀនក្រាមសថ្លា ១៧កញ្ចប់តូច រួមទាំងសម្ភារះ ក៏ដូចជាឧបករណ៍សម្រាប់ប្រើប្រាស់មួយចំនួនធំ ។

បច្ចុប្បន្នជនសង្ស័យទាំង ១០នាក់ រួមទាំងវត្ថុតាង ត្រូវបានបញ្ចូនទៅឃុំខ្លួននៅអធិការដ្ឋាននគរបាលខណ្ឌមានជ័យ រងចាំកសាងសំណុំរឿងបញ្ចូនទៅតុលាការចាត់ការទៅតាមនីតិវិធីច្បាប់ ៕

• អ្នកប្រើប្រាស់គ្រឿងញៀន
• សង្កាត់ស្ទឹងមានជ័យ