|
 |
MENU
|
|
|
|
MENU
|
វីរុសហ្ស៊ីការកំពុងតែកម្រាមកំហែងដល់អាយុជីវិតពលរដ្ឋនៅតំបន់អាមេរិកខាងត្បូង ឬអាមេរិកឡាទីន ធ្វើឲ្យពលរដ្ឋរស់ដោយក្តីកង្វល់យ៉ាងខ្លាំង។ ប្រទេសជាច្រើននៅក្នុងតំនប់នោះបានចាត់វិធានការក្នុងការទប់ស្កាត់ប្រកបដោយប្រសិទ្ធិភាព បើមិនដូច្នោះទេវីរុសហ្ស៊ីការនិងរាលដាលកាន់តែខ្លាំងឡើង ហួសពីសម្ថភាពគ្របគ្រង ក្នុងពេលដែលក្រុមវិជ្ជសាស្ត្រមិនទាន់រកឃើញឧសថព្យាបាលនៅឡើយ។ អ្វីដែលគេបារម្ភជាងនេះនោះគឺវិរុសនេះឆ្លងតាមការរួមភេទផងដែរ។
សារព័ត៌មានរ៉យទ័របានផ្សាយថា រដ្ឋមន្ត្រីក្រសួងសុខាភិបាល១៤ប្រទេសនៅក្នុងតំបន់អាមេរិកខាងត្បូង កាលពីថ្ងៃទី៥ខែកុម្ភៈបានបើកកិច្ចប្រជុំជាបន្ទាន់មួយនៅក្នុងប្រទេសUruguay ដើម្បីស្វែងរកវិធីសាស្ត្រទប់ទល់និងវីរុសZika ដែលគេព្យាករណ៍ថានិងរាលដាល់ដល់ពលរដ្ឋជាង៤លាននាក់ក្នុងតំបន់នេះ។
ប្រធានបទសំខាន់នៅក្នុងកិច្ចពិភាក្សានោះគឺការគ្រប់គ្រង កំឲ្យវីរុសរាលដាលកាន់តែខ្លាំងឡើង ។ តាមរបាយការថ្មីបំផុតបង្ហាញឲ្យឃើញថាវីរុសខាងលើបានឆ្លងរាលដាលតាមការរួមភេទផងដែរ។ករណីនេះបានកើតមាននៅលើប្តីប្រពន្ធអាមរិកាំងមួយរស់ក្នុងរដ្ឋ តិចសាស់។ ដើមរឿងដំបូងគឺថា រូបស្វាមីបានត្រឡប់ពីធ្វើការនៅក្នុងប្រទេសវ៉េណេស៊ុយអេឡាដោយមាន ផ្ទុកមេរោគហ្ស៊ីកាក្នុងខ្លួន។ ទៅដល់ផ្ទះបានមួយរយៈពេល ភរិយារបស់គាត់ដែលនៅអាមេរិកគ្មានធ្វើដំណើរទៅណាក៏មានមេរោគ ហ្ស៊ីកាដែរ។
ដំណើររឿងរបៀបនេះនាំឲ្យក្រសួងសុខាភិបាលអាមេរិកបញ្ជាក់ជាផ្លូវការ ពីការចម្លងមេរោគតាមការរួមភេទ តែមិនទាន់ហ៊ានបញ្ជាក់ជាផ្លូវការពីការចម្លងមេរោគហ្ស៊ីកាពី មនុស្សទៅមនុស្សទេ។ ក៏ប៉ុន្តែ ករណីមួយនេះអាចជាសញ្ញាមួយគួរឲ្យព្រួយបារម្ភខ្លាំងណាស់ ព្រោះរហូតមកដល់ពេលនេះ មេរោគហ្ស៊ីកាបានឆ្លងតែពីមូសខ្លាខាំប៉ុណ្ណោះ។ បើមេរោគមួយនេះអាចឆ្លងពីមនុស្សទៅមនុស្សមែន នោះអាចជារឿងគ្រោះថ្នាក់ និងអាសន្នខ្លាំងដែលពិភពលោកត្រូវរួមគ្នាចាត់វិធានការ។
ថ្ងៃនេះ មេរោគហ្ស៊ីការឆ្លងតាមការរួមភេទ ដូច្នេះនៅពេលខាងមុខ មេរោគហ្ស៊ីកាអាចឆ្លងតាមឈាម តាមការប៉ះគ្នារវាងអ្នកផ្ទុកមេរោគ និងអ្នកគ្មានមេរោគ ឬមួយក៏តាមផ្លូវផ្សេងទៀត។ ដូច្នេះការដែលអង្គការសុខភាពពិភពលោកបានប្រកាសអាសន្នជាលើកទី៤ ស្តីពីមេរោគហ្ស៊ីកាអាចបង្កគ្រោះថ្នាក់ដល់សុខភាពសាធារណៈ និងអាចឆ្លងរាតត្បាតនៅទូទាំងពិភពលោកមិនមែនជារឿងចៃដន្យទេ។ រហូតមកដល់ថ្ងៃនេះ មេរោគបានផ្តល់ផលប៉ះពាល់ខ្លាំងចំពោះស្រ្តីមានផ្ទៃពោះ ពោលអាចធ្វើឲ្យទារកក្នុងផ្ទៃស្លាប់ ឬកើតមកមានទម្រង់ក្បាលមិនធម្មតា។
នៅក្នុងជំហានដំបូងនៃការប្រឈមទប់នៃការឆ្លងរាតត្បាតមេរោគហ្ស៊ីកា កិច្ចប្រជុំអាចនឹងចាត់វិធានការឲ្យមានការត្រួតពិនិត្យនៅតាម ព្រំដែនរវាងប្រទេសនីមួយៗ ពិសេសការធ្វើដំណើរឆ្លងដែនរបស់មនុស្សពីប្រទេសមួយចូលទៅប្រទេស មួយទៀត។ តែវិធានការមួយនេះត្រូវបានគេមើលឃើញថា ជាវិធានការពិបាកនឹងអនុវត្តន៍ព្រោះនៅអាមេរិកឡាទីន រដូវនេះជារដូវវិស្សមកាលដែលមានចំនួនអ្នកទេសចរណ៍ដ៏ច្រើនសម្បើម៕
