ភ្នំពេញ៖​ រថយន្ដម៉ាក​PORSCHE​ មួយគ្រឿងបានបុកគ្នាពេញទំហឹងជាមួយរថយន្ដMASDAបណ្តាលអោយរថយន្តMasdaវិលមួយជុំនៅត្រង់ចំណុចផ្លូវកែងបង្កអោយរងការខូចខាតទាំងសងខាងតែមិនបណ្ដាលអោយមានអ្នកទាំងពីររងរបួសនោះទេ ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០១និង២០នាទីរំលងអាធ្រាតឈានចូលថ្ងៃទី០៦​ ខែកុម្ភះ​ ឆ្នាំ២០១៦​ នៅតាមបណ្តោយផ្លូវសុធារស់កែងផ្លូវចូលទៅកន្លែងទំនាក់ទំនងព្រឹទ្ធសភា ( ទល់មុខទូតសូវៀត ) ស្ថិតក្នុងសង្កាត់​ ទន្លេបាសាក់​  ខណ្ឌចំការមន​ រាជធានីភ្នំពេញ​។

យោងតាមប្រភពព័ត៌មានពីសាក្សីដែលបានឃើញហេតុការណ៏នៃគ្រោះថ្នាក់នេះបានអោយដឹងថា​ នៅមុនពេលកើតហេតុគេបានឃើញបុរសស្រវឹងម្នាក់បើកររថយន្តមួយគ្រឿងម៉ាកPORSCHE​ ពណ៍សរពាក់ស្លាកលេខ​ ភ្នំពេញ2Z-2555បើកចេញពីផ្លូវម្តុំទំនាក់ទំនងព្រឹទ្ធសភាក្នុងទិសដៅពីកើតមកលិចដោយល្បឿនយ៉ាងលឿនឡើងមកផ្លូវសុធារស់ហើយបានបត់ស្ដាំដោយមិនប្រយ័ត្នក៏ជ្រុលទៅបុករថយន្ដ​ មួយគ្រឿងទៀតម៉ាកMasdaពណ៍សរ​ ពាក់ស្លាកលេខ​ ភ្នំពេញ2AC-2592ដែលធ្វើដំណើរបញ្រ្ចាស់ទិសគ្នាបណ្ដាលអោយរថយន្ដMasda​វិលមួយជុំនិងធ្វើអោយរថយន្តទាំងពីរគ្រឿងរងការខូចខាត​ ធ្ងន់ធ្ងរដូចគ្នាតែមិនបណ្ដាលអោយអ្នកបើកបរទាំងពីរនោះរងរបួសទេ។

       ក្រោយពេលកើតហេតុម្ចាស់រយន្ត Porsche  ដែលជាអ្នកបង្កបានព្រមសងសំណងទៅភាគីរងគ្រោះ ដើម្បីបញ្ចប់រឿង​នៅកន្លែងកើតហេតុតែម្តងទៅ ៕

• រថយន្ដស៊េរីទំនើប
• ពីរគ្រឿង