ប៉ោយបែត៖ តាមសេក្តីរាយការណ៏ ពីអ្នកយកព័ត៏មានរបស់យើង បានឲ្យដឹងថាកាលពីវេលាម៉ោង១០ៈ៤៥​ព្រឹកនៅថ្ងៃទី៣ខែកុម្ភៈ ឆ្នាំ២០១៦ មានជំលោះកើតឡើងរវាង ក្រុមហ៊ុនលីកាស៊ីតដែលបានចុះឆែកឆេទំនិញ របស់អាជីវកខ្មែរដែលលក់ដូរក្នុងផ្សារុងខ្លឿ មានខ្សែក្រវ៉ាត កាបូប វែនតា នាឡិកា ហើយបានចាប់យកទំនិញរបស់ពួកគាត់ដែលក្រុមហ៊ុនចោតថាបានរំលោភកម្មសិទិ្ធបញ្ញា ទើបអាជីវកទាំងអស់នោះទ្រំមិនបាន ទើបកើតជាបញ្ហាឡើង។

តាមប្រភពអាជីវករខ្មែរដែលលក់នៅក្នុងផ្សាថៃ(ផ្សារុងខ្លឿ) សូមមិនបញ្ចេញឈ្មោះបានឲ្យដឹកថាការឆែកឆេហើយចាប់យកទំនិញរបស់ពួកគាត់នេះជាច្រើនដងមកហើយទើបពេលនេះពួកគាត់ទ្រំមិនបានទើបបង្កឲ្យមានហេតុការណ៏នេះកើតឡើង។

រីឯខាងក្រុមហ៊ុនលីការស៊ីតបានឲ្យដឹងថាអាជីវករលក់ដូរទាំងអស់បានរំលោភកម្មសិទិ្ធបញ្ញាក្រុមហ៊ុនរបស់ពួកគាត់ទើបពួកគាត់ចុះឆែកឆេរនឹងចាប់រាល់ទំនិញទាំអស់នោះ។

ចំណែកខាងជីវករខ្មែរម្នាក់ទៀតវិញរៀបរាប់ប្រាប់ថារាល់ទំនិញទាំងអស់ពួកគាត់នាំចូលមកគឺមានការបង់ពន្ធគ្រុប់កន្លែងហើយហេតុអ្វីបានជាក្រុមហ៊ុនលីកាស៊ីតមកចាប់ទំនិញពួកគាត់ទៀត។ ពេលចាប់ទំនិញម្តងៗ គាត់ទៅតវ៉ាមិនបានមកវិញទេរីឯអាជ្ងាធរខ្មែរក៏មិនដែលជួយដោះស្រាយដែរ។

ក្នុងឧបត្តិហេតុប៉ះទង្គិចគ្នានោះគេឃើញមានការប្រទាញប្រទុងគ្នាពីក្រុមអាជីវករខ្មែរនិងភ្នាក់ងាររបស់ក្រុមលីកាស៊ីតបន្ទោប់មកក៏មានការគប់គ្នាទៅវិញទៅមកបណ្តាលឲ្យភ្នាក់ងារផ្សាលីកាស៊ីតរងរបួសជាង១០នាក់ និងអាជីវករខ្មែរមួយចំនូនព្រមទាំងខួចខាតឡានចំនួនពីរគ្រឿងនិងសំភារៈផ្សេងៗទៀតរួចក៏មានក្រុមទាហ៊ានឈុតខ្មៅថៃនិងសមត្ថកិច្ចកម្ពុជាបានចូលមកអន្តរាគមន៏និងបំបែកហ្វូងបាតុករហើយចាប់បានអាជីវករខ្មែរម្នាក់ឈ្មោះ ចែ មួយ ដែលជាម្ចាស់តូបដែលក្រុមហ៊ុនលីកាស៊ីតចុះចាប់នោះយកទៅកាន់ទីស្នាក់ការបស់ពួកគេ មកទល់ពេលនេះពុំបានដោះលែងមកវិញទេ។ ឥឡូវនេះស្ថានភាពបានស្ងប់ស្ងាត់ធម្មតាទៅវិញហើយរីឯអាជីវករក៏បានចូលទៅលក់ដូរក្នុងផ្សាជាធម្មតាវិញដែរ ។

ជាចុងក្រោយអាជីវករខ្មែរទាំអស់សូមពាវនាវដល់អជ្ងាធរខ្មែរជួយរកខុសត្រូវនិងយុតិ្តធម៌ដែលកន្លងមកក្រុមហ៊ុនលីកាស៊ីតបានចាប់ទំនិញហើយយករបស់ពួកគាត់មិនអាចតវ៉ាយកមកវិញបានឡើយដោយសារតែខាងអាជ្ងាធរថៃកាន់ជើងថៃគ្នាគេប៉ុណ្ណោះទោះបីថែខុសក៏បែរទៅជាត្រូវវិញ។

• ការប៉ះទង្គិច
• ក្រុមហ៊ុនលីកាស៊ីត