បាត់ដំបង៖ តាមប្រភពរាយការណ៏ពីអ្នកសារព័ត៌មានយើង បានអោយដឹងថា នាវេលាម៉ោង១៨:២០នាទី ថ្ងៃ៣១មករា២០១៦ ចំណុចTV២៣១៨៩,៤៨១៦៩ ក្នុងភូមិដូង ឃុំបឹងរាំង ស្រុកកំរៀងមានករណីគ្រោះថ្នាក់ចរាចរណ៍ មួយបានកើតឡើង បង្ករដោយរថយន្តឡុចស៊ីស៤៧០ ពណ៌ ស្ក ពាក់ស្លាកលេខ ភ្នំពេញ 2A 1771  បើកបរដោយឈ្មោះ សៀក ចាន់ ភេទប្រុសអយុ៤៥ឆ្នាំ មុខរបរ គយ និងរដ្ឋករ  នៅច្រកសំពៅលូន ខេត្តបាត់ដំបង ដោយបានបើករថយន្តខាងលើ ចេញពីផ្សារតាវ៉ាន់មកដល់ចំណុចខាងលើ ក៏ ជ្រុលទៅបុករបងកាស៊ីណូបាត់១កន្លែង ប្រវែង២ម៉ែត្រ បន្ទាប់មកអ្នកបើកបរបានថយរថយន្តមកក្រោយក្នុងល្បឿនយ៉ាងលឿន បណ្តាលអោយបុករថយន្ត២គ្រឿង និងម៉ូតូ៣គ្រឿងដែលម្ចាស់ចតទុកតាមជញ្ជើមផ្លូវ ហើយរថយន្តបន្តទៅបុករបងកាស៊ីណូ១កន្លែងផ្សេងទៀត បាក់របងអស់២ម៉ែត្រ និងជាប់រថយន្តនៅទីនោះ ហើយម្ចាស់រថយន្តក៍បានគេចខ្លួនបាត់។មូលហេតុនៃការបុក ដោយសារអ្នកបើកបររថយន្តឡុចស៊ិសស្ថិតស្រវឹងស្រាជោគ។

គួរបញ្ជាក់ផងដែរថា ក្រោយកើតហេតុ មានការខូចខាតរថយន្តបង្កម៉ាកឡុចស៊ីសពណ៌ស្ក ពាក់ស្លាកលេខ ភ្នំពេញ 2A 1771 ខូចខាតផ្នែកខាងមុខជ្រុះកាងបាត់ និងខូចខាតកាងខាងក្រោយបែកស្តុបទាំងពីរ​ រថយន្តម៉ាក តូយូតាកាម៉ូរីឆ្នាំ៩៣ស្តាំពណ៌ស ពាក់ស្លាកលេខ ភ្នំពេញ 2G 2480 ម្ចាស់ឈ្មោះ ប៉ុន ផល្លា ភេទប្រុសមុខរបររត់ឡានតាក់ស៊ី រស់នៅភូមិឃុំ អូរដា ស្រុកកំរៀង ខូចទ្វារខាងស្តាំទាំង២និងបែកយ៉ាន់មុខខាងឆ្វេងខ្ទេច​​ និងរថយន្តមួយគ្រឿងទៀតម៉ាក តូយ៉ូតា កាមរី ៩៣ ចង្កូតស្តាំ ពណ៌ស្លាបក្អែក ដែលម្ចាស់ឈ្មោះ សំ សារ៉ាយ ភេទប្រុស អាយុ៣១ឆ្នាំ មុខរបរ រត់ឡានតាក់ស៊ី ព្រមទាំងម៉ូតូសង់១២៥ ៣គ្រឿង។

បច្ចុប្បន្ន រថយន្តបង្ក និងរថយន្តរងគ្រោះ ព្រមទាំងម៉ូតូដែលរងការខូចខាតទាំងអស់ត្រូវបាន កំលាំងសមត្ថកិច្ចនាំយកទៅរក្សាទុកនៅអធិការដ្ឋានស្រុកកំរៀង រងចាំធ្វើការដោះស្រាយពេលក្រោយ។

ប្រភព៖ Facebook

• មន្រ្តីគយ
• សំពៅលូន
• ស្រវឹងជោគ