រាជធានីភ្នំពេញ ៖  នៅថ្ងៃទី២៤ ខែមិថុនា ឆ្នាំ២០១៦ នៅទីស្តីការ ក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានទទួលជួប ពិភាក្សាការងារជាមួយលោក Tang Zhen តំណាង ក្រុមហ៊ុនផ្លូវដែក China Railway 16th Bureau Group Co., Ltd ប្រចាំនៅកម្ពុជា ។

លោក Tang បានធ្វើបទបង្ហាញមុនពេល ធ្វើការសិក្សាលើលទ្ធភាព នៃការសាងសង់ផ្លូវរថភ្លើង ភ្ជាប់ចេញពី ខ្សែនៅភាគខាងត្បូង ដែលមានស្រាប់ មកកំពង់ផែស្វយ័តភ្នំពេញ។ គម្រោងនេះអាចនឹងចំណាយទឹកប្រាក់ ប្រមាណជាង ២៥០ លានដុល្លារ។

ឯកឧត្តមទេសរដ្ឋមន្រ្តី បានសម្តែងនូវការកោតសរសើរ ដល់ក្រុមហ៊ុននេះ ដែលបានផ្តល់ព័ត៌មាននេះ ហើយបានផ្តល់យោបល់ឲ្យក្រុមហ៊ុន សិក្សាប្រមូលទិន្នន័យ និងធ្វើការស្រាវជ្រាវបន្ថែមទៀត ដើម្បីអាចធ្វើការពិចារណា ថាតើគម្រោងនេះ អាចសម្រេចបាន ប្រកបដោយភាពសមស្របទាំងផ្នែក ហិរញ្ញវត្ថុ និងសេដ្ឋកិច្ច ៕

• ក្រុមហ៊ុនចិន
• កំពង់ផែ