រាជធានីភ្នំពេញ៖ រដ្ឋាភិបាលជប៉ុនប្រកាសផ្តល់ប្រាក់ចំនួន៣៣២លានយ៉េនស្មើនឹង២,៩លានដុល្លារអាមេរិកនៅថ្ងៃទី៨ខែមិថុនាឆ្នាំ២០១៦សម្រាប់អនុវត្តន័គម្រោងអាហារូបករណ៍ធនធានមនុស្សនៃប្រទេសកម្ពុជា។ពិធីទទួលនិងប្រគល់បានធ្វើឡើងនៅទីស្តីការក្រសួងការបរទេសនិងសហប្រតិបត្តិការអន្តរជាតិដែលមានវត្តមានលោកបា្រក់សុខុនរដ្ឋមន្រ្តីក្រសួងការបរទេសនិងលោកយូជិ គូម៉ាម៉ារូឯកអគ្គរាជទូតជប៉ុនចុះហត្ដលេខាលើកំណត់ទូត។
លោកប្រាក់ សុនុនបានថ្លែងថានេះបង្ហាញឲ្យឃើញមិនមែនត្រឹមតែបន្តគាំទ្រនិងជំនួយឧបត្ថម្ភរបស់រាជរដ្ឋាភិបាលជប៉ុនចំពោះរាជរដ្ឋាភិបាលកម្ពុជាក្នុងការខិតខំប្រឹងប្រែងដើម្បីឆ្លើយតបនឹងតម្រូវការនៃការកែលំអរសមត្ថភាពអនធានមនុស្សដែលជាអាទិភាពមួយក្នុងចំណោមអាទិភាពទាំងបួនរបស់រាជរដ្ឋាភិបាលកម្ពុជាប៉ុណ្ណោះទេ។តែក៍បានគូសបញ្ជាក់ផងដែរនូវកិច្ចសហប្រតិបត្តិការដ៍ជិតស្និទ្ធនិងប្រកបដោយផ្លែផ្ការវាងប្រទេសទាំងពីរ ដែលត្រូវបានលើកកម្ពស់ទៅជាទៅ លើភាពជាដៃគូយុទ្ធសាស្រ្តចាប់តាំងពីឆ្នាំ២០១៣មក។
លោករដ្ឋមន្រ្តីក្រសួងការបរទេសបានបញ្ជាក់ថាក្នុងឆ្នាំ២០១៥ប្រទេសជប៉ុនបានផ្តល់ជំនួយអភិវឌ្ឍន៍ផ្លូវការចំនួន៦៧,៦៥លានដុល្លារអាមេរិកសម្រាប់គម្រោងចំនួន៤រួមមានការពង្រីកទឹកស្អាតនៅខេត្តកំពត អាហារូបករណ៍អភិវឌ្ឍន៍ធនធានមនុស្ស ការស្តាឡើងវិញនូវស្ពានជ្រោយចង្វានិងការកែលម្អសម្ភារសម្រាប់សកម្មភាពដោះមីនដំណាលទី៧។រាជរដ្ឋាភិបាលកម្ពុជាក៍បានទទួលផងដែរនូវប្រាក់កម្ចីពីរាជរដ្ឋាភិបាលជប៉ុនប្រមាណ១៤៦.៦លានដុល្លារអាមេរិកសម្រាប់គំរោងផ្លូវជាតិលេខ៥(ព្រែកក្តាម-ធ្លាម្អម)។
យោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជាបានថ្លែងជំនួន៣៣២លានយ៉េននេះជាជំនួយឥតសំណងតាមសំណើរបស់រាជរដ្ឋាភិបាលកម្ពុជាដើម្បីកម្មវិធីអាហារូបករណ៍សម្រាប់ការអភិវឌ្ឍរបស់ជប៉ុនជំនាន់ទី១៧។ប្រទេសជប៉ុនបាននិងកំពុងបន្តផ្តល់ជំនួយជាអាហារូបករណ៍នេះតាំងពីឆ្នាំ២០០០មកម្លេះ។
ស្ថានទូតជប៉ុនបានលើកឡើងថាចាប់ពីពេលនោះមកមាននិស្សិតកម្ពុជាចំនួន៣៤៤នាក់បានចូលរួមក្នុងកម្មវិធីនេះ។ជាមួយនឹងជំនួយថ្មីនេះនិស្សិតជំនាន់ទី១៧ចំនួន២៤នាក់នឹងទៅសិក្សានៅប្រទេសជប៉ុនរយៈពេលពីរឆ្នាំដែលនឹងរួមចំណែកបន្ថែមក្នុងកិច្ចអភិវឌ្ឍប្រទេសកម្ពុជា។
ស្ថានទូតជប៉ុនលើកឡើងថាអារូបករណ៍នេះផ្តល់ជូនមន្រ្តីរាជការវ័យក្មេងនិងមានសមត្ថភាពដែលត្រូវបានរំពឹងថានឹងរួមចំណែកដល់ការអភិវឌ្ឍន៍ប្រទេសកម្ពុជា។រដ្ឋាភិបាលជប៉ុនសង្ឃឹមយ៉ាងមុតមាំថានិស្សិតដែលបានបញ្ចប់ការសិក្សារួចហើយនិងនិស្សិតដែលនឹងបញ្ចាបើករសិក្សានាពេលអនាគតនឹងរួមចំណែកអភិឌ្ឍន៏ប្រទេសកម្ពុជាហើយក្លាយទៅជាស្ពានសម្រាប់ភ្ជាប់ប្រទេសយើងទាំងពីរ៕