បាត់ដំបង៖ កាលព្រឹក ថ្ងៃ​ទី២៨ ខែមករា ឆ្នាំ​២០១៦ តាមសេក្តីរាយការណ៏ពីអ្នកសារព័ត៏សម្លេងសហគមន៏ខ្មែរបានឲ្យដឹងថាមានប្រជាពលរដ្ធបានផ្ទុះកំហឹងយ៉ាងខ្លាំងលើ លោក ឧកញ៉ាទាំងបួនដែលមានអំណាចនៅក្នុងដៃ ហើយគ្មានសមត្ថកិច្ចណាហ៊ានជាមួយឡើយ។ លោកឧកញ្ញ៉ាទាំងនោះមានឈ្មោះ ១-ឧកញ៉ា សង ថន ២-ឧកញ៉ា ទន់ ប៉ុធឿន ៣- ឧកញ៉ាប៉ែន កិ ៤- ឧកញ៉ា ចែ អូន ដែលត្រូវបានប្រជាពលរដ្ឋនាំគ្នាមកកាន់ខេត្តបាត់ដំបងដើម្បីអោយលោកអភិបាលខេត្តច័ន្ទសុផល​ ជួយ​រកដំណោះស្រាយដល់ពួកគាត់ដែលមកពីភូមិ ក្រពើសែស៊ិប ចំនុចបឹងពីរ ឃុំបឹងប្រាំនិង ភូមិ​ប្រសាទរ៉ាង ឃុំ តាគ ស្រុកមាល័យ ខេត្តបន្ទាយមានជ័យ ដែលមានគ្នាចំនួនជាង១០០នាក់ ដោយពួកគាត់មានប្រសាសន៏ថានៅពេលរដូវដាំដុះនិងធ្វើស្រែចំការម្តងៗ ពួកគាត់រៀបចំសំភារ:ចុះទៅធ្វើស្រែចំការមានដូចជា គោយន្ត​និងសំភារ:ផ្សេងទៀត តែត្រូវពួកលោកឧកញ៉ា ទាំងនោះបានទៅចាប់ដកហូតសំភារ:របស់ពួកគាត់មិនអោយធ្វើស្រែចំការបានឡើយ។  ហើយតែងតែចោទប្រជាពលរដ្ឋថារំខានពួកគេទៅវិញថែមទាំង កំរៀមកំហែងនិងដាក់ពាក្យបណ្តឹងចោទប្រកាន់ពួគាត់តាមរយៈព្រះរាជអជ្ញា របស់តុលាការខេត្តដោយហៅពួកគាត់ឡើងតុលាកាទៅវិញ។

ស្របពេលនោះដែរ សមាគមន៏​អាដហុក ការពារ​សិទ្ធិ​មនុស្ស​និង​ អភិ​វឌ្ឍន៌នៅកម្ពុជា លោក យិន ម៉េងលី ដែល​ជានាក់សំរបសម្រួលបានមានប្រសាសន៌ថាសូមអោយលោកអភិបាល ខេត្ត មេត្តាជួយរកដំណោះស្រាយជួនប្រជាពលរដ្ធដោយផ្អែកទៅលើគោលការណ៏នៃគណៈ កម្មមាធិកាសុរិ​យោដីខេត្ត។

ខណៈពេលនោះផងដែរក៏មានមន្ត្រីសមត្ថកិច្ចខេត្តបានចុះជួយសំរបសម្រួលនិងឲ្យមានតំណាង៥រូបចូលជួបដើម្បីធ្វើការដោះស្រាយ។

ចំណែកឯឧកញ្ញ៉ាទាំងបួនរូបវិញយើងខ្ញុំពុំអាចទំនាក់ទំនងសុំការបំភ្លឺបានទេ។  នៅចុងបញ្ចប់ក្រុមបងប្អូនប្រជាពលរដ្ធមានសំណើរអោយរាជរដ្ឋាភិបាលជាពិសេស សម្តេចហ៊ុន សែនជួយរកដំណោះស្រាយដល់ពួកគាត់ផងពីព្រោះបញ្ហានេះវាបានកើតឡើងយូរណាស់មកហើយ៕

• ប្រជាពលរដ្ធ
• ដីធ្លី