ក្រសួងសុខាភិបាលអាមេរិកបានប្រកាសអាសន្នដល់អ្នកទេសចរណ៍ជនជាតិអាមេរិក កុំទៅប្រទេស ទាំង​២២ដែលមានវីរុសស៊ីខួរក្បាលមនុស្សកំពុងតែរាលដាល ពិសេសគឺស្ត្រីមានផ្ទៃពោះ ហាមទៅជាដាចខាត។

ក្រៅពីប្រទេសនៅក្នុងតំបន់អាហ្វ្រិក អាស៊ីប៉ាស៊ីហ្វិកក៏មានករណីឆ្លងវីរុស Zika នេះដែរ។ បច្ចុប្បន្នប្រទេសដែលមានវីរុសខាងលើឆ្លងរាលដាលមានដូចជាប្រទេស Barbados, Bolivia, Ecuador, Guadeloupe, Saint Martin, Guyana, Cape Verde និងSamoa ។ អាមេរិកបានស្នើរដល់​ពលរដ្ឋរបស់ខ្លួនក៏ដូចជាពលរដ្ឋប្រទេសដទៃទៀតចៀសវាងទៅទេសចរណ៍នៅទីនោះ។

       ក្រសួងសុខាភិបាលអាមេរិកបានស្នើរដល់ស្ត្រីមានផ្ទៃពោះ មិនត្រូវទៅកម្សាន្តនៅក្នុងប្រទេសដូចជា​ Puerto Rico, Brazil, Colombia, El Salvador, Guiana, Guatemala, Haiti, Honduras, Martinique, Mexico, Panama, Paraguay, Suriname និង Venezuela​ ដោយសារតែនៅទីនោះវីរុស្ស​Zika កំពុងតែរាលដាល។ ជម្ឈមណ្ឌុលគ្រប់គ្រងជម្ងឺឆ្លង​បានឲ្យដឹងថា​ «សត្វម៉ូសដែលចម្លងជម្ងឺខាងលើតែងតែ ខាំ អ៊ុច មនុស្សនៅពេលថ្ងៃ​បើទោះយើងនៅក្នុងផ្ទះឬក្រៅផ្ទះ។ នៅពេលនេះមិនទាន់មានវ៉ាស់សាំងប្រឆាំងវីរុសZika នៅឡើយទេ។ វីធីសាស្ត្រដែលល្អបំផុតនោះគឺទប់ស្កាត់មូសខាំ តែប៉ុណ្ណោះ។ អការៈឆ្លងវីរុសនោះមានដូចជា ក្តៅរងា ឡើងក្រហម​​ ឈឺក្បាល ក្រហមភ្នែកជាដើម។

អង្គការសុខភាពពិភពលោកWHO បានស្រាវជ្រាវពីការពាក់ព័ន្ធរវាងវីរុស​Zika និងជម្ងឺស្វិតក្បាលនៅប្រេស៊ីល បណ្តាលឲ្យកុមារមានខួរក្បាលនឹងក្បាលតូចជាធម្មតា។អ្នកនាំពាក្យWHO លោក​ Christian Lindmeier បានប្រកាស់ឲ្យដឹងថា មានកុមារជាង​៣៨០០នាក់ មានជម្ងឺស្វិតក្បាលនៅប្រេស៊ី ក្នុងនោះមាន​៤៩នាក់ស្លាប់។ មនុស្សជាច្រើនបានហៅវិរុស​zika ជាវីរុសស៊ីខួរក្បាលមនុស្ស។

នៅក្នុងទ្វីបអាស៊ីវិញ លើកោះតៃវ៉ាន​មានករណីឆ្លងវីរុសដំបូងគេបង្អស់ គឺជាបុរសជនជាតិថៃអាយុ​២៤ឆ្នាំដែលកំពុងតែធ្វើការនៅលើកោះតៃវ៉ាន៕

• វីរុសស៊ីខួរក្បាល
• ២២ប្រទេស