ខេត្តកណ្តាល៖ មុនពេលទិវាអន្តរជាតិមកដល់ថ្ងៃទី១មិថុនាខាងមុខមន្រ្តីសាលាខេត្តកណ្តាលបានអះអាងថា កុមារគ្រប់រូមមានសិទ្ធិរស់រានជីវិតសិទ្ធិក្នុងការអភិវឌ្ឍន៏សិទ្ធិទទួលបានការការពារនិងសិទ្ធិក្នុងការចូលរួមបញ្ចេញមតិយោបល់ក្នុងសកម្មភាពផ្សេងៗនិងបង្កើតក្រុមជាសមាគម។

លោកជស្រី ហ៊ុន កេសនី អភិបាលរងខេត្តកណ្តាល បានមានលើកឡើងយ៉ាងដូច្នេះក្នុងពិធីអបអរសាទរខួបលើកទី៦៩ទិវាកុមារអន្តរជាតិ១ មិថុនា នាព្រឹកថ្ងៃទី២៩ ឧសភា ២០ ១៨នេះ ទៅកាន់កុមារប្រមាណជាង៥០០នាក់ នៅសាលប្រជុំសាលាគរុកោសល្យនិងវិក្រិតការខេត្តកណ្តាល។

លោកស្រីបានមានប្រសាសន៍ថា ស្ថាប័នមានសមត្ថកិច្ចទាំងអស់ រួមទាំងមាតាបិតា ត្រូវបង្កើនកិច្ចសហការល្អជាមួយសាលារៀន បង្កភាពងាយស្រួលឧបត្ថមគាំទ្រដល់ការសិក្សា រស់នៅ ការថែទាំសុខភាព ការការពារជាពិសេសកុមារដែលងាយរងគ្រោះ ដើម្បីឱ្យពួកគេទទួលបានសិទ្ធិរស់រានមានជីវិត សិទ្ធិក្នុងការអភិវឌ្ឍន៏ សិទ្ធិទទួលបានការការពារនិងសិទ្ធិក្នុងការចូលរួមក្នុងសកម្មភាពសង្គមផ្សេងៗព្រោះកុមារជាទំពាំងស្នងឬស្សីនិងក៏ក្លាយជាសសរទ្រូងប្រទេសជាតិផងដែរ។

លោកជស្រី ហ៊ុន កេសនី បានបន្ថែមដែរថា រាជរដ្ឋាភិបាលបានខិតខំអភិវឌ្ឍន៏ប្រទេសលើគ្រប់វិស័យហើយវិស័យអប់រំ បានសាងសង់សាលារៀនបណ្តុះបណ្តាលគ្រូ អភិវឌ្ឍន៏កម្មវិធីសិក្សាដើម្បីឱ្យក្មួយៗក្លាយជាពលរដ្ឋមានសមត្ថភាព។ ទន្ទឹមហ្នឹងនោះរដ្ឋបាលខេត្ត ក៏កំពុងបានយកចិត្តទុកដាក់ចំពោះកិច្ចគាំទ្រ ថែទាំ អភិវឌ្ឍន៏ ការពារកុមារ តាមគ្រប់រូមភាព។

លោកជស្រីលើកឡើងថាលរាជរដ្ឋាភិបាលណែនាំផងដែរ ហើយតែដោះស្រាយរាល់បញ្ហា ការខ្វះខាតរបស់សាលារៀន ដូចជាសាងសង់ជួសជុលអាគារសិក្សា ចាក់ដីបំពេញទីធ្លារសាលារ និងឧបត្ថមសម្ភារៈសិក្សាដល់កុមារក្រីក្រីជួបការលំបាក ព្រមទាំងជួបសំណេះសំណាលលើកទឹកចិត្តសិស្សពូកែថែមទៀតផង។

ជាមួយគ្នានោះ លោកស្រីក៏បានធ្វើការផ្តាំផ្ញើផងដែរថា ក្មួយៗត្រូវតែខិតខំរៀនសូត្រ អប់រំខ្លួនឱ្យមានសុជីវធម៌ល្អ ដើម្បីឱ្យក្លាយខ្លួនជាសិស្សល្អ កូនល្អ មិត្តល្អ ត្រូវចូលរួមសំអាតអនាម័យបរិស្ថាន និងថែរក្សាក្នុងសាលាដើម្បីធានាការប្រើប្រាស់បានយូរអង្វែង ហើយត្រូវយកចិត្តទុកដាក់ការពារខ្លួន ជៀសឱ្យផុតពីគ្រឿងញៀន និងគោរពច្បាប់ចរាចរណ៍ទាំងអស់គ្នា។

លោកស្រី គង់ ចន្ទ័បុស្សបា អនុប្រធានមន្ទីរអប់រំយុវជននិងកីឡាខេត្តកណ្តាល បានឱ្យដឹងថា បច្ចុប្បន្នទូទាំងខេត្តមានសាលាមត្តេយដាច់ដោយឡែកចំនួន២៥ស្មើនឹង៩៥ថ្នាក់មានកុមារកំពុងសិក្សាចំនួន៣៥១២នាក់ មត្តេយ្យក្នុងបឋមសិក្សាចចំនួន២០៧ ស្មើហ្នឹង៣៧៦ថ្នាក់ មានកុមារសរុប១៤.៥២២នាក់និងគ្រូចំនួន៤៨៩នាក់។

សាលាបឋមសិក្សាចំនួន ៣៧៤សាលា ស្មើហ្នឹង៤៣៨៧ថ្នាក់ មានសិស្សចំនួន១៥៧.៦៤៨នាក់ និងគ្រូចំនួន៣៣៧៥នាក់ សាលាមធ្យមសិក្សាបឋមភូមិចំនួន១០២ ស្មើនឹងង៩៦២ថ្នាក់ មានសិស្សសរុបចំនួន ២៨.៧៥៥នាក់ និងគ្រូ១៩០១នាក់ ព្រមទាំងសាលាមធ្យមសិក្សាទុតិយភូមិចំនួន៣៨ ស្មើហ្នឹ ង១០១៥ថ្នាក់ មានសិស្សសរុបចំនួន៤៣.៦៥៧នាក់ និងលោកគ្រូអ្នកគ្រូ២៩២៤នាក់ ហើយមានមន្ត្រីអប់រំទូទាំងខេត្តសរុបចំនួន៩០៨១នាក់ក្នុងនោះស្រី៤៥៣៨នាក់។

• អាជ្ញាធរ
• អភិវឌ្ឍន៏