រាជធានីភ្នំពេញ៖ មិនទាន់ប្រកួតផង! អ្នកលេងទស្សន៍ទាយនិងដឹងលទ្ធផល វេស្ទើន - ក្រសួងការពារជាតិ ដែលថ្ងៃនេះត្រូវជួបគ្នាសងសឹងក្នុងការប្រកួតពានរង្វាន់កំពូលលីគកម្ពុជាក្នុងសប្តាហ៍ទី១២។

ទំព័រលេងហ្វេសប៊ុកមួយដែលគាំទ្រវិស័យបាល់ទាត់បានបង្ហោះរូបភាពកាត់ត និង សរសេរអត្ថន័យយ៉ាងអស់សំណើចធ្វើឱ្យមហាជនជាប់អារម្មណ៍។ ទំព័រហ្វេសប៊ុកឈ្មោះ “Troll Asean and World Sports” បានដាក់រូបក្មេងសិស្សសាលាសម្រាប់ក្រុមវេស្ទើនភ្នំពេញ ហើយដាក់រូបកងទ័ពដៃកាន់កំាភ្លើង ឈរទន្ទឹមគ្នា យ៉ាងល្អសើចសម្រាប់ការប្រកួតក្នុងជំនួបសប្តាហ៍ទី១២ ដែលក្រុម វេស្ទើនភ្នំពេញ - ក្រសួងការពារជាតិ នាល្ងាចម៉ោង៦នៅពហុកីឡដ្ឋានជាតិ។

សូមបញ្ជាក់ថា ក្លឹបក្រសួងការពាជាតិជាក្រុមខ្លាំងក្នុងឆ្នាំនេះដែលមិនស្គាល់ថា ចាញ់និងជាក្រុមឈរកំពូលតារាកំពូលលីកកម្ពុជាដោយមានក្តីប្រាថ្នាសំលឹងរកជ័យលាភីជើងឯក។ ប៉ុន្តែក្រុម វេស្ទើនភ្នំពេញវិញជាក្លឹបដែលឈរត្រឹមលំដាប់ថ្នាក់លេខរៀងទី១០ប៉ុណ្ណោះ ។ សូមទស្សនាការប្រកួតរវាងក្រុមនេះតាមទូរទស្សន៍BTV និងទំព័រហ្វេសប៊ុកBTVដើម្បីគាំទ្រវិស័យបាល់ទាត់និងដឹងលទ្ធផល៕ដោយ បូរិន

• ទស្សន៍ទាយ
• វេស្ទើន
• ក្រសួងការពារជាតិ