រាជធានីភ្នំពេញ៖  បុរសចំណាស់វ័យជាង៥០ឆ្នាំម្នាក់បានសម្រេចចិត្ត ចង.ក ធ្វើអត្តឃាតសសម្លាប់ខ្លួននៅបន្ទប់បង្កការភ្ញាក់ផ្អើលឡើងកាលពីវេលាម៉ោង៧ ព្រឹកថ្ងៃទី២ ខែឧសភា ឆ្នាំ២០១៧ នៅចំណុចផ្ទះគ្មានលេខ៣៨៧ ក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ ។

បុរសរងគ្រោះមានឈ្មោះ គង់ សុផល ភេទប្រុស អាយុ៥៧ឆ្នាំ មុខរបរនៅផ្ទះ មានទីលំនៅទីតាំងកើតហេតុ ។

ប្រភពព័ត៌មានពីស្ត្រីជាប្រពន្ធជនរងគ្រោះសុំមិនបញ្ចេញឈ្មោះរៀបរាប់ អោយដឹងថានៅវេលាយប់ថ្ងៃទី១ បុរសជាប្តីបានសុំបន្ទប់របស់ក្មួយសម្រាកមួយយប់ដោយប្រាប់ថា គាត់ចង់នៅស្ងៀមស្ងាត់តែម្នាក់ឯង ដោយអោយក្មួយប្រុសចុះមកសម្រាកនៅខាងក្រោម។ លុះវេលាម៉ោង ៧ ព្រឹកឡើង ដោយមិនឃើញជនរងគ្រោះចុះមកក្រោមសោះក៏យុវជនជាក្មួយបានឡើងទៅបើកទ្វារបន្ទប់ប៉ុន្តែទ្វារត្រូវចាក់សោះពីខាងក្នុងក៏ហៅបងប្អូនមកជួយធាក់ទម្លុះទ្វារចូលទៅខាងក្នុងក៏ប្រទះឃើញ បុរសរងគ្រោះ ចង.ក នឹងអង្រឹងថ្ពក់នឹងសសរដំបូលស្លាប់បាត់ទៅហើយ ។

ក្រោយកើតហេតុគេសង្គេតឃើញមានប្រជាពលរដ្ឋក្បែរខាងជាច្រើនបាននាំគ្នាមកចោមរោមមើលនិងបានរាយការណ៍ជូននគរបាលមូលដ្ឋាននិងជំនាញចុះអន្តរាគមន៍ធ្វើកោសល្យវិច្ច័យពិនិត្យលើសាកសព។

ក្រោយការពិនិត្យវិច្ច័យរួចសមត្ថកិច្ចបញ្ជាក់ថា ជនរងគ្រោះ ពិតជាបានស្លាប់ដោយសារការចង.កសម្លាប់ខ្លួនឯងប្រាកដមែន ពុំមែនជាករណីឃាតកម្មអ្វីទាំងអស់ដូច្នេះហើយសពត្រូវប្រគល់ជូនសាច់ញាតិ យកទៅធ្វើបុណ្យតាមប្រពៃណី ។

ក្រុមសាច់ញាតិបញ្ជាក់ថា បុរសរងគ្រោះមានជម្ងឺប្រចាំកាយ ដូចជាលើសឈាម និងទឹកនោមផ្អែមជាដើម។ ម្យ៉ាងវិញកូនប្រុសរបស់ខ្លួនមានអាយុ២២ឆ្នាំ ទើបតែស្លាប់ ដោយសារគ្រោះថ្នាក់ចរាចរណ៍ ហើយធ្វើបុណ្យ៧ថ្ងៃម្សិលមិញដូច្នេះហើយចំណុចទាំងនេះ អាចធ្វើអោយគាត់ពិបាកចិត្តហើយសម្រេចចិត្តគិតខ្លីបញ្ចប់ជីវិតដោយបែបនេះតែម្តងក៏ថាបាន ៕

• ប្រាប់ក្មួយ
• ស្ងាត់ម្នាក់ឯង
• សាកសព