ខេត្តបាត់ដំបង៖  សមត្ថកិច្ចកងរាជអាវុធហត្ថខេត្តបាត់ដំបងបាននិយាយថាពលករខ្មែរបានស្លាប់កើនដល់៥នាក់ហើយនៅក្នុងទឹកដីថៃក្នុងហេតុការណ៍ផ្សេងៗគ្នាត្រូវបានបញ្ជួនមកស្រុកវិញនៅដើមឆ្នាំ២០១៧នេះ។

ប្រភពព៌ត័មានពីកម្លាំងកងរាជអាវុធហត្ថខេត្តបាត់ដំបងបានអោយដឹងថា នៅថ្ងៃទី៤ ខែមករា ឆ្នាំ២០១៧នេះអាជ្ញាធរថៃបានបញ្ជួនសាកសពពលករខ្មែរចំនួន២នាក់ទៀតកាត់តាមច្រកទ្វាអន្តរជាតិដូងដើម្បីប្រគល់អោយសាច់ញាតិមកទទួលយកទៅធ្វើបុណ្យតាមប្រពៃណី។

សាកសពជនរងគ្រោះទី១ មានស្រុកកំណើតនៅភូមិតាប៉ុន ឃុំទឹកជោ ស្រុកព្រះនេត្រព្រះ ខេត្តបន្ទាយមានជ័យឈ្មោះតែង សារី ភេទប្រុស អាយុ២៥ឆ្នាំ ស្លាប់ដោយគ្រោះថ្នាក់ចរាចរណ៍បញ្ជួនដល់ព្រំដែននៅម៉ោង១២.៣០នាទីនិងម្នាក់ទៀតឈ្មោះនួន វ៉ាន់ឆៃ ភេទប្រុស អាយុ១៨ឆ្នាំរស់នៅភូមិ ឃុំស្រុកបវេល ខេត្តបាត់ដំបងស្លាប់ក្នុងខេត្តគូរ៉ាត ប្រទេសថៃដោយសាររបួសលើដោះខាងឆ្វេងបញ្ជួនដល់ច្រកទ្វាព្រំដែននៅម៉ោង១១.៣០នាទីរំលងអាធ្រាត។

គួរបញ្ជាក់ថា រយះពេល៤ថ្ងៃចាប់ពីថ្ងៃទី១ដល់ថ្ងៃទី៤ដើមឆ្នាំ២០១៧នេះមានពលករខ្មែរដែលស្លាប់ក្មុងទឹកដីថៃចំនួន៥នាក់ហើយត្រូវបានបញ្ជួនត្រឡប់មកស្រុកកំណើតវិញតាមច្រកទ្វាអន្តរជាតិដូង ស្រុកកំរៀង ខេត្តបាត់ដំបង៕

• សាកសព
• ពលករ
• ថៃ
• សមត្ថកិច្ច