ខេត្តក្រចេះ៖  នគរបាលបាលស្រុកសំបូរបានឲ្យដឹងនៅថ្ងៃទី២៤ខែកុម្ភៈឆ្នាំ២០១៧ថា ស្ត្រីមេម៉ាយកូន៣ មានវ័យជាង៤០ឆ្នាំម្នាក់បានស្លាប់នៅបន្ទប់ក្នុងផ្ទះ កាពីវេលាថ្ងៃត្រង់ទី២៤ កុម្ភៈ  ស្ថិតនៅភូមិ ឃុំអូរគ្រៀង ស្រុកសំបូរ ខេត្តក្រចេះ។

លោកអធិការរងទទួលយុត្តិធម៌ស្រុកសំបូរបានប្រាប់អ្នកសារព័ត៍មាននៅរសៀលថ្ងៃនេះថាជនរងគ្រោះក្នុងករណីឃាតកម្មគិតទុកជាមុននេះ មានឈ្មោះ អេង មេងជា  ភេទស្រីអាយុ៤៣ឆ្នាំ ជាស្ត្រ៏មេម៉ាយមានកូនប្រុសស្រី៣នាក់ រស់នៅភូមិអូរគ្រៀង ឃុំអូរគ្រៀង ស្រុកសំបូរ ខេត្តក្រចេះ ។

លោកអធិការរងបន្តឲ្យដឹងថា បន្ទាប់ពីទទួលបានដំណឹងភ្លាមៗ កំលាំងជំនាញស្រុក និង កំលាំងប៉ុស្តិ៍រដ្ឋបាលអូរគ្រៀង បានចុះទៅដល់កន្លែងកើតហេតុហើយពិនិត្យមើលសាកសពដែលដេកស្លាប់នៅក្នុងបន្ទប់ទឹក គឺបាក់ករ និងមានស្នាមចាក់(ដោយប្រើវត្ថុរឹង)ចំគុម្ពត្រចៀកខាងឆ្វេង ។ កំលាំងនគរបាលបានដាក់ការសន្និដ្ឋានថាជាករណីឃាតកម្មគិតទុកជាមុន ។

លោកអធិការងបញ្ជាក់ថា ក្រោយពីពិនិត្យសាកសពទីកន្លែងហេតុនិងសាកសួរ ប្រមូលពត៏មានជុំវិញរឿងហេតុខាងលើយើងបានកំណត់មុខសញ្ញាជនសង្ស័យរួចហើយបច្ចុប្បន្នកំលាំងនគរបាលកំពុងកសាងសំណុំរឿងបញ្ចូនទៅការិយាលយ័ជំនាញខេត្តដើម្បីអនុវត្តបន្តទៅតាមនិតិវិធី។

• ប្រជាពលរដ្ឋ
• សាកសព
• ស្លាប់