កាលពីថ្ងៃទី​២៧ខែមេសា ទាហានការពារព្រំដែន​៥នាក់ស្លាប់និង ម្នាក់រងរបួសនៅក្នុងហេតុការវាយប្រហារមួយស្ថិតនៅខេត្តណារ៉ាធីវ៉ាត​ភាគខាងត្បូងប្រទេសថៃ។

តាមការឲ្យដឹងពីមន្ត្រីក្នុងតំបន់បានបញ្ចាក់ថា ​ទាហានទាំងនោះយាមល្បាតនៅស្រុក​ Chanae ​ខេត្ត ណារ៉ាធីវ៉ាត ហើយវិលត្រឡប់ទៅកាន់ទីតាំងវិញ ក៏ប៉ះជាមួយខ្មាន់កាំភ្លើងមួយក្រុម មានគ្នា១០នាក់ ស្លៀកឯសណ្ឋានពត៌ខៀវ ដូចជាទាហានការពារព្រំដែន។

គ្រាប់បែកមួយគ្រាប់បានផ្ទុះនៅមុខរថយន្តដឹកទាហានយាមល្បាតហើយខ្មាន់កាំភ្លើងទាំងនោះក៏បានបើកការវាយប្រហារ តែម្តង បណ្តាលឲ្យមានអ្នកស្លាប់ច្រើន។ ក្រោយការបាញ់ប្រហារ ខ្មាន់កាំភ្លើងក៏បានយក កាំភ្លើង​៦ដើម ប្រភេទ  M 16 របស់ទាហានការពារថៃ ហើយបានដុតសាកសព ទាហានមួយចំនួនដែលពួកគេបាញ់សម្លាប់ផងដែរ។

ហេតុការបាញ់ប្រហារខាងលើកើតឡើង​ក្នុងពេលដែលថៃកំពុងតែបង្កើនការយ៉ាមល្បាត  ការពារសន្តិសុខនៅតំបន់ភាគខាងត្បូង  ក្រោយពេលមានការវាយប្រហារកាលពីដើមខែមេសានេះ។

នេះជាសកម្មភាពវាយប្រហារថ្មីបំផុតទៅលើកម្លាំងការពាររបស់ថៃ ក្រោយពេលរងការវាយប្រហារជាច្រើនលើកកាលពីថ្ងៃទី​១៩ខែមេសា ឆ្នាំ​២០១៧ ដោយមានការវាយប្រហាររហូតដល់ទៅ ១៣ករណី នៅ៣ខេត្តភាគខាងត្បូងក្នុងនោះមានខេត្ត ប៉ាតានី ណារ៉ាធីវាត និង ស៊ុងក្លា ដោយជនដៃដល់គឺជា ក្រុមអិស្លាមជ្រុលនិយមទាមទាបំបែករដ្ឋនៅទីនោះ។

ការវាយប្រហារខាងលើកើតឡើងក្នុងពេលដែលមេដឹកនាំក្រុមឧទ្ទាមនៅភាគខាងត្បូងប្រទេសថៃ ប្រកាស់ពីគម្រោង ឯករាជ្យចេញពីប្រទេសថៃ បង្កើតទៅចាតំបន់គ្រាប់គ្រោងដោយជនជាតិអិស្លាមភាគច្រើននៅទីនោះ៕

• សន្តិសុខ
• ប្រទេសថៃ
• ព្រំដែន