ខេត្តមណ្ឌលគិរី៖ មន្រ្តីអាជ្ញាធរខេត្តមណ្ឌលគីរីបាននិយាយនៅថ្ងៃទី២៦ខែមីនាឆនាំ២០១៧ថាហ្វូងដំរីព្រៃចំនួន១១ក្បាលរួមមានទាំងកូនដំរីតូចៗផង បានធ្លាក់ចូលរណ្ដៅ(បេ៥២)    ដែលបន្សល់ពីសម័យ សង្គ្រាមអាមេរិកក្នុងព្រៃ ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី  ខណៈដែលហ្វូងដំរីទាំងនោះ ព្យាយាមមកផឹកទឹកក៏ផុងស្រុតចូលរណ្ដៅភក់នោះចាប់ពីថ្ងៃទី២១ដល់២៥ខែមីនា តែមិនមានដំរីមួយក្បាលណាងាប់ទេ។ យោងតាមប្រជាពលរដ្ឋបានឃើញដំរីរងគ្រោះទាំងនោះនិយាយថា  ហ្វូងដំរីទាំងនេះបានធ្លាក់ ចូលក្នុងរណ្ដៅមួយនេះប្រមាណ០៥ថ្ងៃមកហើយ គឺពួកគាត់បានលឈឺសម្លេងរបស់វា តែពួកគាត់មិនហ៊ានទៅជិតព្រោះវាជាសត្វព្រៃ  ។

តែគេមិនដឹងថាសត្វដំរីទាំងនោះធ្លាក់ចូលរណ្តៅភក់នេះពេលណាទេ។លុះនៅព្រឹកថ្ងៃទី២៥ មីនា ២០១៧ពួកគាត់បានមកដល់ទីតាំងដំរីធ្លាក់រណ្តៅនេះ ហើយបានរាយការណ៍មកមន្ត្រីជំនាញ ទើបអាចសង្គ្រោះហ្វូងដំរីទាំងនេះបានទាន់វេលា ។

ប្រធានមន្ទីរបរិស្ថានខេត្តមណ្ឌលគិរី លោក កែវ សុភក៌ បានឲ្យដឹងថា ការជួយសង្គ្រោះហ្វូងដំរីទាំងនេះ គឺប្រើពេល វេលាប្រមាណជិត០៧ម៉ោង ទើបអាចសង្គ្រោះដំរីទាំង១១ក្បាលចេញពីរណ្ដៅភក់នោះបាន ហើយក្នុងចំណោមដំរីទាំង១១ ក្បាលនេះ គឺមានកូនដំរីតូចចំនួន០៣ផងដែរ ។ដោយកូនដំរីទាំងនោះហាក់ពុំសូវមានកម្លាំង     ទើបក្រុមមន្ត្រីជំនាញត្រូវប្រើ ពេលវេលាយូរទម្រាំអាចសង្គ្រោះពួកវាចេញពីរណ្ដៅបាន ។  លោកប្រធានមន្ទីរបរិស្ថានខេត្តមណ្ឌលគិរី បានឲ្យដឹងទៀតថា   វិធីសង្គ្រោះដំរីព្រៃទាំង១១ក្បាលនេះគឺក្រុមអ្នកជំនាញបានកាប់មាត់រណ្ដៅឲ្យទាប និងបានយកមែកឈើនិងឬស្សី មកដាក់ នៅមាត់រណ្ដៅ នឹង បូបទឹកដាក់ក្នុងរណ្តៅ ដើម្បីឲ្យដំរីទាំងនេះវាអាចជាន់ឡើងបាន ប៉ុន្តែក្នុងចំណោមដំរីទាំងនេះគឺមានកូនដំរីតូច០១ក្បាល  ត្រូវបាន មេរបស់វាក្រុងដាក់ ក្រោមពោះស្ទើរតែដាច់ខ្យល់    ។ព្រោះតែមេរបស់វាភិតភ័យនិងហ្វូងមនុស្ស  ដែលទៅជួយសង្គ្រោះពួកវា    តែទោះជាយ៉ាងក្រុមមន្ត្រីជំនាញនៅតែអាចសង្គ្រោះកូនដំរីតូចនោះបាន ។

លោកប្រធានមន្ទីរបរិស្ថានខេត្តមណ្ឌលគិរីបានថ្លែងបញ្ជាក់ថា ក្រោយពេលសង្គ្រោះដំរីព្រៃទាំង១១ក្បាលនេះបាន នៅល្ងាចថ្ងៃទី២៥ មីនា ២០១៦នេះ ក្រុមមន្ត្រីបានប្រលែងពួកវាឲ្យចូលព្រៃវិញហើយ   ដើម្បីឲ្យពួកវារស់នៅតាមជីវិតបែប ធម្មជាតិវិញ ។

គួរបញ្ជាក់ថាកាលពីថ្ងៃទី២៣ខែមីនានេះដំរីព្រៃមួយក្បាលត្រូវបានគេប្រទះឃើញដេកងាប់ដោយសារឆក់ចរន្តអគ្គិសនីនៅខេត្តព្រះសីហនុ។ក្រុមអ្នកបរិស្ថានបាននិយាយថាសត្វមានតិចតួនណាស់នៅក្នុងប្រទេសកម្ពុជាបន្ទាប់ព្រៃត្រូវបានកាប់បំផ្លាញ ការបរបាញ់ដើម្បីយកភ្លក់ដំរីនិងសង្រ្គាមស៊ីវិលព្រមទាំងការដុតព្រៃបានគម្រាមកំហែងដល់ពួកសត្វដំរី។

ចំណែកក្រុមអ្នកជីវវិទ្យាបានលើកឡើងថាសត្វដំរីជាប្រភេទសត្វដែលមានកូនម្តងចន្លោះ១០ឆ្នាំទើបមានកូនទៀត។នៅក្នុងប្រទេសកម្ពុជាគេបានជួបប្រទះសីរីព្រៃមាននៅខេត្តមណ្ឌលគីរី រតនគីរី ព្រះសីហនុនិងតំបន់ជួរភ្នំក្រវាញ។ក្រុមអ្នកអភិរក្សសត្វដំរីបានបង្កើតមូលនិធិមួយសម្រាប់គាំទ្រការថែរក្សាសត្វកម្រនេះនៅទូទាំងពិភពលោក៕                       

• ដំរីព្រៃ
• មន្ត្រី
• ខេត្តមណ្ឌលគីរី