|
 |
MENU
|
|
|
|
MENU
|
តួគីបានសម្រេច មិនឲ្យអគ្គរដ្ឋទូតហុល្លង វិលត្រឡប់ទៅកាន់តួគីវិញឡើយ កាត់ផ្តាច់ទំនាក់ទំនងការបរទេសជាបណ្តោះអាសន្នរហូតដល់រដ្ឋាភិបាលទីក្រុងអាមស្ទើដាមបំពេញលក្ខខណរបស់ទីក្រុង អែនការ៉ា។
សារព័ត៌មាន AFP បានដកស្រងការប្រកាសរបស់ឧប្បនាយករដ្ឋមន្ត្រីតួគីលោក Numan Kurtulmus បានឲ្យដឹងថា «រហូតដល់អ្វីដែលយើង បានដាក់ចេញត្រូវបានភាគីហុល្លង បំពេញតាម បើមិនដូច្នេះទេ អគ្គរដ្ឋទូតហុល្លង នឹងមិនអាចវិលត្រឡប់មកកាន់ប្រទេសតួគីវិញឡើយ»។អគ្គរដ្ឋទូតហុល្លង ប្រចាំនៅទីក្រុងអែនការ៉ា គឺលោក Kees cornlis Van Rij ពេលនេះ មិននៅក្នុងប្រទេសតួគីនោះឡើយ ហើយកិច្ចការ ទូតប្រគល់ឲ្យតំណាងនៅទីនោះ គ្រប់គ្រងជាបណ្តោះអាសន្ន។
ភាពតានតឹងរវាងតួគីនិងហុល្លង ចាប់ផ្តើម នៅថ្ងៃ ទី១១ ខែមីនា នៅពេលដែលរដ្ឋាភិបាលទីក្រុង អាមស្ទើដាម មិនអនុញ្ញាត្តិឲ្យ យន្តហោះដឹករដ្ឋមន្ត្រីការបរទេសតួគី ចុះចត់នៅទីក្រុង អាមស្ទើដាម ដើម្បីទៅចូលរួមពិធីជួបជុំជនជាតិតួគី នៅទីនោះ ដែលជាការស្វែងរកការគាំទ្រ លើគម្រោង កែប្រែរដ្ឋធម្មនុញ្ញរបស់តួគី។
ប្រធានាធិបតីតួគី បានហៅហុល្លងថា «បានបន្សល់នៅរបបហ្វាស៊ីត » ហើយប្រមានហុល្លងថា និងត្រូវសងនោតម្លៃដែលខ្លួនបានធ្វើ។ តួគីកាលពីថ្ងៃទី១៣ខែមីនា បានកោះហៅ មន្ត្រីទូតហុល្លង ប្រចាំនៅទីក្រុងអែនការ៉ាដើម្បី ប្រឆាំងនិង សកម្មភាពបំបែកហ្វូងបាតុកម្មរបស់ជនជាតិតួគីនៅ នៅទីក្រុងអាមស្ទើដាម កាលពីថ្ងៃទី ១២ ខែមីនា។
ឧប្បនាយករដ្ឋមន្ត្រីតួគី បានប្រកាសផ្អាក់ទំនាក់ទំនងការបរទេសជាមួយប្រទេសហុល្លង ហើយផ្អាក់ផ្តល់លិខិតអនុញ្ញាឲ្យមានការហោះហើរពីហុល្លងចូលទៅកាន់តួគីចាប់ពីថ្ងៃទី១៣ខែមីនា កន្លងមក។
ឧប្បនាយករដ្ឋមន្ត្រីតួគីបានបញ្ចាក់ថា រាល់ទំនាក់ទំនង ជាន់ខ្ពស់ ក្នុងនោះមានថ្នាក់រដ្ឋមន្ត្រីនឹងខ្ពស់ជាងនេះត្រូវបានផ្អាក់ជាបណ្តោះអាសន្នរហូតដល់ហុល្លង លុបលាងនៅអ្វីដែលខ្លួនបានធ្វើ ទៅលើប្រទេសតួគី។
សកម្មភាពខាងលើកើតឡើងក្រោយពេលដែល បានហាមមិនឲ្យយន្តហោះ ដឹករដ្ឋមន្រ្តីការបទេសតួកគី ចុះចត នៅទីក្រុងរ៉ូតាដាម ប្រទេសហូឡង់ ធ្វើឲ្យរដ្ឋាភិបាលតួកគីខឹងសម្បារខ្លាំងណាស់នឹងចំណាត់ការរបស់អាជ្ញាធរ ហុល្លង។ នៅក្នុងក្បួនមហាជន រៀបចំនៅទីក្រុងអ៊ីស្តង់ប៊ូល លោកប្រធានាធិបតីតួកគី រេស៊ីប អ៊ែរដូហ្កានបានប្រតិកម្មចាត់ទុកហូឡង់ថា ហ្វាស៊ីស និងជាសំណល់របស់ពួកណាហ្ស៊ី។ នៅក្នុងសំដីព្រមានខ្លាំង លោកអ៊ែរដូហ្កាន បាននិយាយយ៉ាងដូច្នេះថា “ស្តាប់ឲ្យបានហូឡង់ អ្នកអាចហាម តាមចិត្តចង់ មិនឲ្យយន្តហោះរដ្ឋមន្រ្តីតួកគីចុះចត ប៉ុន្តែចាំមើលវិញតើយន្តហោះហូឡង់នឹងចុះចតបានយ៉ាងម៉េចនៅតួកគី”។
រដ្ឋាភិបាល ហូឡង់បានបញ្ជាក់ព័ត៌មានចុះផ្សាយរបស់កាសែត និងលើកយកហេតុផលថា វត្តមានរបស់រដ្ឋមន្រ្តីការបរទេសទួគី នឹងអាចបង្កឲ្យមានអសណ្តាប់ធ្នាប់សង្គម។ នៅលើទំព័រសង្គមហ្វេសប៊ុក នាយករដ្ឋមន្រ្តី ហូឡង់ លោក Mark Rutteបានសរសេរថា លោករដ្ឋមន្រ្តីការបរទេសតួកគី មិនគោរពពាក្យសំដី ដោយបានអំពាវនាវឲ្យមានការជួបជុំដ៏ធំមួយនៅកន្លែងសាធារណៈ។ ប្រមុខរដ្ឋាភិបាលហូឡង់ បានវាយតម្លៃថា សំដីគំរាមរបស់ប្រមុខការបរទេសតួកគី នឹងមិនអាចជួយឲ្យគេរកឃើញដំណោះស្រាយ សមហេតុផលនោះទេ។
