ក្រោយពេលគម្រោងច្បាប់ថ្មីបានបង្ហាញជាសាធារណភ្លាមក៏រងការថ្កោលទោសយ៉ាងខ្លាំងពីពលរដ្ឋអាមេរិកនៅទូទាំងប្រទេស​និងនៅជុំវិញពិភពលោក ដោយគម្រោងច្បាប់ថ្មីនោះអាចត្រូវបណ្តេញជនភៀសខ្លួននៅអាមេរិករាប់លាននាក់ទៅស្រុកវិញ ។

ចំណុចទាំងនោះហើយបានជាមន្ត្រីសេតវិមានបានចេញមកប្រកាសថា ប្រធានាធិបតីអាមេរិកដូណាលត្រាំបានសម្រេចពន្យាពេលចេញច្បាប់ស្តីពីជនអន្តោបវេសនៅលើទឹកដីអាមេរិក​ ដែលជាច្បាប់ជំនួស​ដល់ ចាប់ហាមពលរដ្ឋមកពី​៧ប្រទេសចូលទឹកដីអាមេរិកត្រូវបានតុលាការលុបចោលវិញ។ ចំណែកច្បាប់ថ្មីនោះអាចនិង ពន្យាពេលដល់សប្តាហ៍ក្រោយ។

ក្នុងពេលជាមួយគ្នានោះរដ្ឋមន្ត្រីសន្តិសុខជាតិអាមេរិកលោក​ John Kelly បានបញ្ចាក់ថា​រដ្ឋាភិបាលអាមេរិក នឹងមិនបណ្តេញជនអន្តោបវេសខុសច្បាប់នៅអាមេរិកជាទ្រងទ្រាយធំនោះឡើយ។ ប៉ុន្តែការបណ្តេញជនអន្តោបវេសមួយចំនួននឹងត្រូវធ្វើឡើងក្នុងពេលឆាប់ៗខាងមុខ។

កន្លងមកក្រសួងសន្តិសុខជាតិអាមេរិក កាលពីថ្ងៃទី​២១ខែកុម្ភៈ បានបង្ហើបពីខ្លឹមសារនៃការបង្កើន សកម្មភាពអនុវត្តិច្បាប់ស្តីពីជនភៀសខ្លួនរបស់ប្រធានាធិបតីត្រាំក្នុងនោះមានការចាប់ខ្លួននិងបណ្តេញជនអន្តោបវេសខុសច្បាប់នៅអាមេរិករាប់លាននាក់។

តាមឯកសាររបស់ក្រសួងសន្តិសុខជាតិអាមេរិក  DHS បានបង្ហាញឲ្យឃើញថាគោលដៅរបស់ប្រធានាធិបតីត្រាំ គឺរិតបន្តឹងជនអន្តោបវេសនៅលើទឹកដីអាមេរិក ក្នុងនោះមានទាំងការលាតត្រដាង​ជនអន្តោបវេសដែលបានបង្កបទល្មើសផ្សេងៗ។​កម្លាំងសន្តិសុខនៅក្នុងតំបន់​និងក្រុមអនុវត្តច្បាប់អន្តោបវេស ខុសច្បាប់​ ក្នុងនោះមានការដកហូតសិទ្ធផ្ទាល់ខ្លួនរបស់ជនអន្តោបវេសខុសច្បាប់​​និងសាងសង​មជ្ឈមណ្ឌុលឃុំខ្លួនបណ្តោះអាសន្ន សម្រាប់ជនអន្តោបវេស​និងផ្លាសប្តូរគោលនយោបាយស្តីពីជនអន្តោបវេស​ និងចុងក្រោយបំផុតគឺបណ្តេញជនអន្តោបវេសតែម្តង។

បណ្តាមន្ត្រី​ DHS បានឲ្យដឹងថា គោលនយោបាយថ្មី នឹងផ្តល់សិទ្ធជាច្រើនដល់មន្ត្រីមូលដ្ឋាន​ក្នុងការរិតបន្តឹងជនអន្តោបវេស​។ចំណែកកម្លាំងសន្តិសុខជាតិមិនត្រូវបានដាក់សម្រាប់ចាប់ជនអន្តោបវេសនាពេលនេះឡើយ គឺទុកឲ្យក្រុមសន្តិសុខតំបន់ជាអ្នកសម្រេច។

នយោបាយថ្មីរបស់ប្រធានាធិបតីត្រាំគឺសម្តៅទៅលើជនភៀសខ្លួនជាង​១១នាក់ដែលរស់នៅគ្មានលិខិតស្នាមត្រឹមត្រូវនៅលើទឹកដីអាមេរិក ។ ក្រសួងសន្តិសុខជាតិអាមេរិកក៏បានស្នើរឲ្យ បណ្តេញជាបន្ទាន់នៅជនអន្តោបវេសខុសច្បាប់ណាដែលរកឃើញ។

• រដ្ឋាភិបាល
• ជនអន្តោប្រវេសន៏
• .