ក្រោយរយៈពេលមួយខែដែលបានបញ្ចប់អាណាត្តិប្រធានាធិបតី លោកអូបាម៉ាទើបតែបានបង្ហាញខ្លួនជាសាធារណនៅលើដងផ្លូវមួយក្នុងទីក្រុងញ៉ូវយ៉កបង្កភាពផ្ញាក់ផ្អើលយ៉ាងខ្លាំងដល់ពលរដ្ឋ​និងអ្នកសារព័ត៌មានចោមរោមសួរ។ ពលរដ្ឋជាច្រើនបានលើកដៃស្វាគមន៍ការមកដល់របស់លោកអូបាម៉ា និងបង្ហាញពីក្តីស្រឡាញ់ចំពោះអតីតប្រធានាធិបតីដដែល។

ពលរដ្ឋរាប់រយនាក់បាននាំគ្នាប្រមូលផ្តុំនៅមុខអាគាដែលលោកអូបម៉ាបានចូលទៅ ដោយមានបំណងចងជួបលោក ។ ពលរដ្ឋស្រែកហូកញ្ជ្រៀវ បង្ហាញពីក្តីស្រឡាញ់ និងការស្វាគមន៍យ៉ាងកក់ក្តៅបំផុត  នៅពេលដែលលោកអូបាម៉ាធ្វើដំណើតពីអាគាទៅកាន់ក្បួនរថយន្ត។ ក្នុងរូបភាពដូចដើមលោកអូបាម៉ាពាក់អាវធំពណ៌ខ្មៅ ក្នុងសរ ដៃកាន់កៃវកាហ្វេ លើកដៃស្វាគមន៍អ្នកគាំទ្រ មុនពេលចាកចេញ។

សារព័ត៌មាន​​Business Insider ​បានផ្សាយថា គោលដៅនៃការធ្វើដំណើរទៅកាន់ទីក្រុងញ៉ូវយ៉ករបស់លោកអូបាម៉ាមិនទាន់ដឹងនៅឡើយ ហើយតំណាងរបស់អតីតប្រធានាធិបតីក៏មិនពិភាក្សាអ្វីជុំវិញបញ្ហាខាងលើនោះដែរ។

ក្រោយរយៈពេលមួយខែដែលលោកអូបាម៉ាចាកចេញពីសេតវិមាន លោកត្រូវបានគេបោះឆ្នោតជ្រើសរើសជាប្រធានាធិបតីល្អលំដាប់ទី​១២ ក្នុងចំណោមអតីតប្រធានាធិបតីទាំង​៤៤រូប។ ក្រុមអ្នកឯកទេសបញ្ចាក់ថាលោកអូបាម៉ាធ្វើការបានល្អនៅលើវិស័យជាច្រើន និងមានប្រវត្តរូបល្អ។

ដោយសារតែមានប្រវត្តរូបល្អ ទើបអតីតប្រធានាធិបតីអាមេរិកលោកបារ៉ាក់អូបាម៉ា ទទួលបានការស្រឡាញ់គាំទ្រពីពលរដ្ឋបារាំង ។មិនត្រឹមតែប៉ុណ្ណោះពលរដ្ឋបារាំងបានស្នើរឲ្យលោកអូបាម៉ាទៅធ្វើជាប្រធានាធិបតីដឹកនាំបារាំងវិញម្តង៕

• អូបាម៉ា
• ក្រុងញ៉ូវយ៉ក
• ផ្ញាក់ផ្អើល