|
 |
MENU
|
|
|
|
MENU
|
មកទុលពេលនេះពលរដ្ឋបារាំងជាង៤២ពាន់នាក់បានចុះហត្ថលេខាទៅលើលិខិតមួយច្បាប់អំពាវនាវឲ្យអតីតប្រធានាធិបតីអាមេរិកបារ៉ាក់អូបាម៉ា ចូលរួមប្រជេងបោះឆ្នោតប្រធានាធិបតីបារាំង បើទោះបីលោកជាពលរដ្ឋអាមេរិកក្តី។
អ្នកដឹកនាំយុទ្ធនាការ Obama17 បានប្រាប់បណ្តាញព័ត៌មាន BBC ថាសារដែលពួកគត់ចង់ផ្ញើទៅកាន់បេក្ខភាពប្រធានាធិបតីបារំាងទាំងអស់ ដោយសារតែពួកគត់ពិតជាមិនមានទំនុកចិត្ត នៅក្នុងការដឹងនាំប្រទេសឡើយ មិនមានជាក្តីសង្ឃឹមរបស់ពលរដ្ឋ អាចផ្ញើវាសនាបាន។
ចំពោះសកម្មភាពហូរចូលនៃជនភៀសខ្លួន ទៅកាន់អឺរ៉ុបកាន់តែច្រើនឡើយ និងព្រួយបារម្ភពី ក្រុមអិស្លាមជ្រុលនិយមវាយប្រហារភេរវកម្ម ការស្ទងមតិទៅលើពលរដ្ឋបារាំងបង្ហាញឲ្យឃើញ ថា មានពលរដ្ឋភាគច្រើនគាំត្រ មេដឹកនាំគណបក្សប្រឆាំង លោក Francois Fillon និង Marine Le Pen ។ បេក្ខភាពទាំងពីររូបកំពុងតែទទួលបានការផ្តល់ទំនុកចិត្តពីប្រជាពលរដ្ឋ។
ប៉ុន្តែលោក Fracois Fillon កំពុងតែមានរឿងអាស្រូវពាក់ព័ន្ធនិង ការចំណាយប្រាក់ពន្ធដា ខុសគោលដៅ។ ចំណែកបេក្ខភាព Le Pen មានការគាំទ្រខ្ពស់ទី៣ ក៏កំពុងប្រឈមនិងបញ្ហា ត្រូវក្រុមសើមអង្គេតធ្វើការស្រាវជ្រាវពីហិរញ្ញវត្ថុរបស់លោកស្រី។នៅក្នុងការបោះឆ្នោតបារាំងនាពេលខាងមុខ មានបេក្ខភាពប្រធានាធិបតីរហូតដល់ទៅ១២រូប។
អង្គការ នយោបាយ នៅក្នុងប្រទេសនេះបានបិទសញ្ញា មាន៣ពណ៌ ក្រហម ស និង ខៀវព្រមទាំង រូបភាពលោកអូបាម៉ានៅតាមផ្លូវថ្នាល់ក្នុងទីក្រុងប៉ារីសផងដែរ ព្រមទាំងអក្សរ« Qui,on Peut» មានន័យថា «បាទយើងអាចបាន» ។ ទាំងនោះក៏ជាសញ្ញានៃការប្រគួតប្រជេងរបស់លោកអូបាម៉ា កាលពីឆ្នាំ២០០៨ផងដែរ។
អង្គការសង្គមស៊ីវិវលមួយនៅបារាំងបានបញ្ចាក់ថា«គ្មានជនជាតិបារាំងណាមួយធ្វើឲ្យយើងអាចទុកចិត្ត បោះឆ្នោតឲ្យដឹងនាំពួកយើង ដោយមិនមានការស្ទាក់ស្ទើរ»។
ពលរដ្ឋបារាំង នឹងចាប់ផ្តើមបោះឆ្នោត ជ្រើសរើសមេដឹកនាំរបស់ខ្លួននៅថ្ងៃទី២៣ខែមេសាខាងមុខហើយបើគ្មានបេក្ខភាពណាមួយយកឈ្នះទេនោះ អ្នដែលមានការគាំទ្រខ្ពស់២រូប នឹងបន្តប្រគួតប្រជេងនៅថ្ងៃទី៧ខែឧសភាបន្តទៀត។
លោកអូបាម៉ាមិនមានជាជនជាតិបារាំង ហើយមិនអាចឈរឈ្មោះជាបេក្ខភាពប្រធានាធិបតីនៅក្នុងការបោះឆ្នោតបារាំងបានឡើយ។ អ្នកនាំពាក្យរបស់អតីតប្រធានាធិបតីអូបាម៉ាក៏បានបដិសេធធ្វើអត្ថធិបាយជុំវិញបញ្ហាខាងលើនោះដែរ។
ពលរដ្ឋបារាំងក៏បានដឹងច្បាស់ថា លោកអូបាម៉ា មិនអាចក្លាយជាបេក្ខភាពប្រធានាធិបតីនៅក្នុងប្រទេសបារាំងបានឡើយ ប៉ុន្តែចាំបាច់ត្រូវតែធ្វើបែបនេះ ដើម្បីដាសសតិ ដល់បេក្ខភាពទាំងអស់ឲ្យមានយកចិត្តទុកដាក់លើកិច្ចការប្រទេសជាតិធ្វើឲ្យពលរដ្ឋមានទំនុកចិត្តជាងនេះ៕
