សកម្មភាពមួយដែលគួរឲ្យផ្ញាក់ផ្អើលនោះគឺ រដ្ឋាភិបាលរបស់ប្រធានាធិបតីដូណាលត្រាំ  កាលពីថ្ងៃ ទី​១០ខែ មីនា បានស្នើដល់ ព្រះរាជអាជ្ញាទាំងអស់ដែលបានតែងតាំង ដោយអតីតប្រធានាធិបតីអូបាម៉ា ត្រូវតែលាលេងចេញពីតំណែងជាបន្ទាន់។

ព្រះរាជអាជ្ញា​ Preet Bharara ដែលបានជ្រើសរើសតែងតាំងដោយអតីតប្រធានាធិបតីអូបាម៉ា​ ត្រូវបានស្នើរឲ្យចុះចេញពីតំណែងជាបន្ទាន់ ។ នៅក្នុងសេចក្តីប្រកាសព័ត៌មាន​ អ្នកនាំពាក្យក្រសួងយុត្តិធម៌​អាមេរិក លោកស្រី​ Sarah Flores ​បានបញ្ចាក់ថា «ក្រសួងយុត្តិធម៌បានស្នើរឲ្យ​ព្រះរាជអាជ្ញាទាំង​៤៦រូប​ ដែលបានតែងតាំងដោយអតីតប្រធានាធិបតីអូបាម៉ា  ត្រូវដាក់លិខិតសុំលាលេងចេញពីតំណែង​ ដើម្បីធានា ដល់ការផ្តេអំណាច ពេញលេញ»។

សូមបញ្ចាក់ផងដែរថា ក្នុងចំណោម​ព្រះរាជអាជ្ញាទាំង​៤៦រូប ដែលបង្ខំឲ្យចុះចេញពីតំណែងនោះ មានទាំងលោក​ Preet Bharara  ព្រះរាជអាជ្ញាមកពីរដ្ឋ​ Manhattan  ដែលពីមុនមកលោកត្រាំធ្លាប់ស្នើរឲ្យរក្សាតំណែងដដែល​។ក្នុងពេលជាមួយគ្នានោះ​ គឺមិនទាន់ដឹងពី ជោគវាសនារបស់​ព្រះរាជអាជ្ញា  Rod Rosenstein និង​ Dana Boente  ដែលលោកត្រាំបានជ្រើសរើសកាន់តំណែងជារដ្ឋលេខាធិការក្រសួងយុត្តិធម៌​ត្រូវ បានដកហូតដំណែងដែរឬទេ។

ការសម្រេចដកដំណែងព្រះរាជអាជ្ញា មិនមានជារឿងថ្មីនោះឡើយ នៅក្នុងរដ្ឋកាលដឹងនាំរបស់ប្រធានាធិបតីមុនក៏បានធ្វើដូច្នេះដែរ  គឺត្រូវតែមានការផ្លាសប្តូរដើម្បីជួយដល់រដ្ឋាភិបាល​ថ្មីមានការដឹកនាំទៅយ៉ាងរលួន ។ ប៉ុន្តែ ការដកតំណែងធ្វើឡើង សន្សឹមៗ ម្តងម្នាក់ មិនមែនធ្វើឡើងក្នុងពេលតែមួយដូចជាពេលនេះឡើយ។  ការសម្រេចខាងលើក្រោយពេលដែលតុលាការសហរដ្ឋ​បានរារំាងច្បាប់ របស់ប្រធានាធិបតីដូណាលត្រាំ ដែលបានហាមប្រាំពលរដ្ឋ​៧ប្រទេសចូលក្នុងទឹកដីអាមេរិក៕

• ព្រះរាជអាជ្ញា
• អូបាម៉ា
• តែងតាំង
• តំណែង