ខេត្តក្រចេះ៖ បុរសម្នាក់បានបាត់បង់ជីវិតដោយសារគ្រោះថ្នាក់រន្ទះបាញ់កាលពីវេលាម៉ោង៦យប់ថ្ងៃទី២២ខែកុម្ភៈនៅក្នុងស្រុកស្នូល។បើយោងតាមលោកវរសេនីយ៍ទោ ចាន់ សុគីម អធិការនគរបាលស្រុលស្នួលបានឲ្យដឹងថា៖នៅថ្ងៃទី២២ ខែកុម្ភៈ ឆ្នាំ២០១៧ វេលាម៉ោង ១៨និង៥៦នាទី នៅចំណុចភូមិស្រែចារ ឧបសម្ព័ន្ធភូមិស្អាត ឃុំស្រែចារ ស្រុកស្នួល មានករណី (រន្ទះបាញ់) កើតឡើងចំនួន ០១លើក បណ្តាលឱ្យស្លាប់បុរសម្នាក់ ខណៈមានភ្លៀងកក់ខែធ្លាក់មួយមេ ។

លោកអធិការបញ្ជាក់ថា៖ ជនរងគ្រោះមាន ឈ្មោះ នី មីន ភេទប្រុស អាយុ ៣៥ឆ្នាំ មានទីលំនៅភូមិ-ឃុំកើតហេតុខាងលើត្រូវបានរន្ទះបាញ់ស្លាប់ភ្លមៗនៅកន្លែងកើតហេតុ  គ្រាដែលជនរងគ្រោះបានជ្រកភ្លៀងក្នុងផ្ទះពេលមេឃកំពុងភ្លៀងខ្លាំង ។លោកអធិការបន្តថា៖ បច្ចុប្បន្នសាកសព ត្រូវបានសមត្ថកិច្ចយើង ធ្វើការប្រគល់ជូនសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី ។

• គ្រោះធម្មជាតិរន្ទះបាញ់
• ស្រុកស្នួល
• ខេត្តក្រចេះ