រាជធានីភ្នំពេញ៖ អ្នកនាំពាក្យក្រសួងការបរទេសកម្ពុជា លោកជុំ សុន្ទរី បានថ្លែងប្រាប់ក្រុមអ្នកសារព័ត៌មាននៅក្រសួងការបរទេសនៅថ្ងៃទី១២ខែមករាឆ្នាំ២០១៧ថាក្រសួងការបរទេសបានទទួលព័ត៌មានថាមានពលករខ្មែរប្រមាន១០០នាក់ក្នុងមួយថ្ងៃបានធ្វើចំណាកស្រុកខុសច្បាប់និងត្រូវបានអាជ្ញាធរប្រទេសជិតខាងជាពិសេសប្រទេសថៃបានឃាត់ខ្លួននិងបញ្ជូនមកកាន់កម្ពុជាវិញ។

នៅពេលក្រុមអ្នកកាសែតសួរថាក្រសួងការបរទេសមានចំណាត់ការបែបណាក្នុងការទប់ស្កាត់ពលករខ្មែរដែលធ្វើចំណាកស្រុកទាំងនោះដោយខុសច្បាប់?។លោកជុំ សុន្ទរីបានលើកឡើងថាករណីនេះមិនមានជាសមមត្ថកិច្ចរបស់ក្រសួងការបរទេសនិងសហប្រតិបត្តិការអន្តរជាតិជាអ្នកដោះស្រាយនោះទេ។ក្រសួងការបរទេសមានភារកិច្ចជួយពូកគេនៅពេលណាពលករចំណាកស្រុកទាំងនោះបានទៅកាន់ស្ថានទូតកម្ពុជាដែលមានតំណាងក្នុងប្រទេសដែលពួកគេបានទៅនោះសុំជួយអន្តរាគមន៍។

ការលើកឡើងរបស់លោកជុំ សុន្ទរីបានធ្វើឡើងក្រោយពេលដែលមានជំនួបរវាងលោកប្រាក់ សុខុនរដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិជាមួយលោកស្រី ជីនីត វង់(Jenet Wong)តំណាងអង្គការសហប្រជាតិទទួលបន្ទុកផ្នែកស្រ្តីនៅទៅស្តីការក្រសួងការបរទេសកាលពីថ្ងៃទី១២ខែមករាឆ្នាំ២០១៧នេះ។

លោកជុំ សុន្ទរីបានលើកឡើងថាចំណាកស្រុកមានពីរយ៉ាងសំខាន់គឺចេញទៅរកការងារនិងការរៀបការដោយខុសច្បាប់ជាមួយជនបរទេសដោយស្រ្តីកម្ពុជាមិនគិតនិងតែងតែជួបបញ្ហាកន្លងមក។ចំពោះការរកការងារធ្វើនៅប្រទេសម៉ាឡេស៊ីមានពលកររងគ្រោះមានចំនួនកើនឡើងក្នុងស្រ្តីបម្រើការងារតាមផ្ទះនិងការរៀបការភាគច្រើនទៅកាន់ប្រទេសចិន ហើយពេលនេះទៅចិនមានការថយចុះ។

លោកជុំ សុន្ទរីបានអះអាងថាអង្គការស្រ្តីរបស់អង្គការសហប្រជាជាតិ(អ.ស.ប)បានចំណាយប្រមាណ២លានដុល្លារសម្រាប់ដល់ផ្នែកផ្សេងៗទាក់ទងនឹងស្រ្តីនៅកម្ពុជាក្នុងកំឡុងឆ្នាំ២០១៥។ពីឆ្នាំ២០១៦ដល់២០១៨អង្គការស្រ្តីរបស់(អ.ស.ប)គ្រោងចំណាយ៥លានដុល្លារបន្ថែមទៀតដើម្បីជួយដល់កម្មវិធីផ្សេងៗទាក់តងផលប្រយោជន៍ស្រ្តី។

លោកជុំ សុន្ទរីបានអះអាងថាចំពោះចំណាកស្រុកទៅកាន់ប្រទេសចិនដែលថាមានការកើនឡើងដែលតាមតួលេខនិងភាពជាក់ស្តែងមិនដូចគ្នាទេ។ក្នុងឆ្នាំ២០១៦បើធៀបនឹងឆ្នាំ២០១៥តួលេខមានការថយចុះខ្លាំងជាងពាក់កណ្តាល។ការថយចុះខ្លាំងនេះបន្ទាប់ពីឃើញថាមានស្រ្តីខ្មែររងគ្រោះជាច្រើនដែលមានរៀបការជាមួយបុរសចិនយើងបានទំនាក់ទំនងជាមួយសមាសភាពរបស់ចិននិងស្ថានទូតចិននៅកម្ពុជារឹតបន្តឹងការផ្តល់ទិដ្ឋាការឲ្យស្រ្តីខ្មែរដែលមានអាយុនៅក្មេងចម្លោះពី២០ដល់៣០ឆ្នាំ។                                               

• ក្រសួងការបរទេស
• ពលករ
• ចំណាកស្រុក