រាជធានីភ្នំពេញ៖  លោកតូនី តាន់ កេងយាំប្រធានាធិបតីនៃសាធារណរដ្ឋសិង្ហបូរីនិងភរិយានៅរសៀលថ្ងៃទី៨ខែមករាឆ្នាំ២០១៧នេះបានដឹកនាំគណៈប្រតិភូមកបំពេញទសន្សនៅកម្ពុជារយៈពេល៣ថ្ងៃនៅព្រះរាជាណាចក្រកម្ពុជាគណៈប្រតិភូ មកដល់កម្ពុជានៅវេលាម៉ោងប្រហែល១២និង៥០នាទីនេះក្រោមកិច្ចការពារសន្តិសុខយ៉ាងតឹងរឹងបំផុតពីសមត្ថកិច្ចកម្ពុជា។

ដំណើរទស្សនកិច្ចនេះតបតាមការអញ្ជើញរបស់ព្រះករុណាព្រះបាទសម្តេចសម្តេចព្រះបរមនាថ នរោត្ត សីហមុនី ព្រះមហាក្សត្រនៃព្រះរាជាណាចក្រកម្ពុជាលោកបណ្ឌិត តូនី តាន់ កេងយាំប្រធានាធិបតីនៃសាធារណរដ្ឋសិង្ហបូរីបានដឹកនាំគណៈប្រតិភូអញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជាពីថ្ងៃទី៨ដល់ថ្ងៃទី១១ខែមករាឆ្នាំ២០១៧។

នៅព្រលានយន្តអន្តរជាតិភ្នំពេញសម្តេចគង់ សំអុល ឧបនាយករដ្ឋមន្រ្តីនិងជារដ្ឋមន្រ្តីព្រះបរមរាជវាំងអញ្ជើញទទួលបដិសណ្ឋារកិច្ចលោកប្រធានាធិបតីនិងលោកជំទាវព្រមទាំងប្រតិភូនៃសាធារណរដ្ឋសិង្ហបូរីនិងមន្រ្តីអ្នកមុនអ្នកការជាច្រើនទៀត។គណៈប្រតិតូដឹកនាំដោយលោកប្រធានាធិបតីតូនី តាន់ កេងយាំទៅស្នាក់នៅសណ្ឋាគារសូហ្វូតែលភូកេត្រា។

គេមានការគត់សម្គាល់ថាមានសិស្សានុសិស្ស មន្រ្តីរាជការ បានឈរសងខាងផ្លូវសហព័ន្ធរុស្ស៊ីទទួលស្វាគមន៍ដំណើរទស្សនកិច្ចរបស់គណៈប្រតិភូតាំងពីព្រលានយន្តចូលមករាជធានីក្រោមការរឹតបណ្តឹងសន្តិសុខនិងសណ្តាប់ធ្នាប់ពីសមត្ថកិច្ចរាជរដ្ឋាភិបាល។

ក្រសួងការបរទេសកម្ពុជាបានបញ្ជាក់ថាក្នុងកំឡុងពេឡបំពេញទស្សនកិច្ចនេះលោកបណ្ឌិត តូនី តាន់ កេងយាំនឹងចូលបង្គំគាល់ព្រះករុណាព្រះបាទសម្តេចសម្តេចព្រះបរមនាថ នរោត្ត សីហមុនី ព្រះមហាក្សត្រនៃព្រះរាជាណាចក្រកម្ពុជានៅប្រាសាទទេវាវិនិច្ឆ័យនិងចូលបង្គំគាល់សម្តេចម៉ែ។

លោកបណ្ឌិត តូនី តាន់ កេងយាំនឹងជួបពិភាក្សាការងារជាមួយសម្តេចតេជោហ៊ុនសែននាយករដ្ឋមន្រ្តី។បន្ទាប់មកថ្នាក់ដឹកនាំទាំងពីររូននឹងធ្វើជាអធិបតីក្នុងការចុះហត្ថលេខាលើឯកសារចំនួនពីរ។ទី១.អនុស្សារណៈស្តីពីកិច្ចសហប្រតិបត្តិការលើវិស័យអប់រំ បណ្តុះបណ្តាលបច្ចេកទេសនិងវិជ្ជាជីវៈ រវាងក្រសួងការងារនិងបណ្តុះបណ្តាល វិជ្ជាជីវៈនៃព្រះរាជាណាចក្រកម្ពុជានិងនិងវិទ្យាស្ថានបច្ចេកវិទ្យានៃសាធារណរដ្ឋសហបូរី។

ទី២.អនុស្សារណៈនៃមន្ទីរពេទ្យកាល់ម៉ែត្រនៃព្រះរាជាណាចក្រកម្ពុជានិងមន្ទីរពេទ្យតាន់តុកសេងនៃសាធារដ្ឋសិង្ហបូរី។ក្នុងដំណើរទស្សនកិច្ចនេះលោកប្រធានាធិបតីនឹងអញ្ជើញទស្សនាគម្រោងរបស់សាធារណរដ្ឋសោង្ហបូរីនៅមន្ទីរពេទ្យកាល់ម៉ែត្រនិងប្រាសាទអង្គរវត្តនៅខេត្តសៀមរាប៕                                              

• ប្រធានាធិបតី
• សិង្ហបូរី
• ទស្សនកិច្ច