ខេត្តបន្ទាយមានជ័យ៖   តូបលក់ដូររបស់ប្រជាពលរដ្ឋខ្មែរជាច្រើនតូបនៅក្នុងផ្សាររ៉ុងគ្លឿ ឃុំខ្លងលឹក ស្រុកអារញ្ញ ខេត្តស្រះកែវ ប្រទេសថៃ ស្ថិតនៅជាប់ច្រកទ្វាអន្តរជាតិប៉ោយប៉ែត កំពុងរងការឆាបឆេះយ៉ាងសន្ធោសន្ធៅ។ យោងតាមសេចក្តីរាយការណ៍បានឲ្យដឹងថា អគ្គិភ័យនេះ បានឆាប់ឆេះឡើងនៅម៉ោងប្រមាណ ៩ៈ១៥នាទីព្រឹកថ្ងៃទី០៥ ខែមករា ឆ្នាំ២០១៧នេះ។

សេចក្តីរាយការណ៍បានឲ្យដឹងទៀតថា អាជ្ញាធរថៃ កំពុងតែជួយអន្តរាគមន៍ពន្លត់អគ្គិភ័យនេះ។ មិនទាន់មានការបញ្ជាក់ពីមូលហេតុផ្តើមឲ្យមានអគ្គិភ័យនៅឡើយទេ តែមានការសន្និដ្ឋានថា អាចបណ្តាលមកពីទុស្សេខ្សែភ្លើង និង អាចបណ្តាលមកពីភ្លើងធូប៕

• អគ្គិភ័យ
• ពលរដ្ឋខ្មែរ