រាជធានីភ្នំពេញ៖  នៅម៉ោង៥និង៥០នាទីថ្ងៃទី១៣ ខែធ្នូ ឆ្នាំ២០១៦នេះ លោកប្រធានាធិបតីហ្វីលីពីន រ៉ូឌ្រីហ្គោ ឌូតឺតេ (Rodrigo Duterte) នឹងអញ្ជើញមកបំពេញទស្សនៈកិច្ចជាផ្លូវការ នៅព្រះរាជាណាចក្រកម្ពុជា។ ទន្ទឹមនឹងនេះ កីឡាករប្រដាល់ដ៏ល្បីល្បាញរបស់ហ្វីលីពីន លោក ម៉ែននី ប៉ាគីវអាវ ក៏នឹងអញ្ជើញអមដំណើរលោកប្រធានាធិបតីមកប្រទេសកម្ពុជាផងដែរ។

នៅកម្មវិធីទស្សនកិច្ចនេះ លោក Rodrigo Duterte នឹងអញ្ជើញចូលជួបបង្គំគាល់ និងសវនាការជាមួយព្រះមហាក្សត្រខ្មែរ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី។ កម្មវិធីបន្តបន្ទាប់គឺលោកប្រធានាធិបតី នឹងអញ្ជើញជួបសំណេះសំណាលពិភាក្សាការងារជាមួយ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅវិមានសន្តិភាពរសៀលថ្ងៃទី១៤ខែធ្នូឆ្នាំ២០១៦ផងដែរ។

ក្នុងកំឡុងពេលស្នាក់នៅកម្ពុជា លោកប្រធានាធិបតីមនាកម្មវិធីជួបសំណេះសំណាលជាមួយពលរដ្ឋហ្វីលីពីនដែលកំពុងរស់នៅធ្វើការនៅកម្ពុជាទៀតផង។ ថ្នាក់ដឹកនាំប្រទេសទាំងពីរ កម្ពុជា - ហ្វីលីពីន នឹងធ្វើជាសាក្សី ក្នុងពិធីចុះហត្ថលេខាលើឯកសារចំនួន២ រួមមាន អនុស្សារណៈស្តីពីកិច្ចសហប្រតិបត្តិការក្នុងការប្រយុទ្ធប្រឆាំងឧក្រិដ្ឋកម្មឆ្លងដែន និង អនុស្សារណៈនៃកិច្ចព្រមព្រៀងស្តីពីកិច្ចសហប្រតិបត្តិការលើវិស័យកីឡា។

លោកប្រធានាធិបតីហ្វីលីនបានជួបជាមួយពលរដ្ឋហ្វីលីពីនជាច្រើននាក់ដែលកំពុងស្នាក់នៅក្នុងប្រទេសកម្ពុជានិងបានចូលរួមច្រៀងចម្រៀងប្រពៃណីជនជាតិហ្វីលីពីននៅសណ្ឋាគារសូហ្វីតែលភូកេត្រាក្នុងទីក្រុងភ្នំពេញ។ទស្សនកិច្ចផ្លូវការនេះមានរយៈពេលថ្ងៃចាប់ពីថ្ងៃទី១៣ដល់១៤ខែធ្នូឆ្នាំ២០១៦។

ក្នុងពេលបំពេញទស្សនកិច្ចផ្លូវរដ្ឋនៅកម្ពុជាលោកប្រធានាធិបតីគ្រោងនឹងចុះហត្ថលេខាទ្វេភាគីរវាងប្រទេសកម្ពុជានិងហ្វីលីពីនដូចជាការសហការលើការប្រឆាំងឧក្រិដ្ឋកម្មឆ្លងដែន គ្រឿងញៀនការជួញដូរថ្នាំញៀនឆ្លងដែនជាដើម៕            

• ប្រទេសកម្ពុជា
• ទស្សនកិច្ច
• ហ្វីលីពីន