ខេត្តកណ្តាល ៖   ជម្លោះហឹង្សាក្នុងរង្វង់គ្រួសារផ្ទុះកើតឡើង ចេញពីទំនាស់លើសពាក្យម្តីខ្វះការយោគយល់ម្នាក់រងរបួសធ្ងន់ចូលដេកពេទ្យម្នាក់ទៀតជាអ្នកឈ្នះក្នុងសមរភូមិត្រូវបានប៉ូលីសចាប់ខ្លួនកាលពីវេលាម៉ោង៥និង១០នាទីរសៀលថកងៃទី២០ ខែសីហា ឆ្នាំ២០១៦ នៅចំណុចភូមិចំបក់ភ្លោះឃុំភ្នំបាត ស្រុកពញាឮខេត្តកណ្តាល។

ជនរងគ្រោះជាអ្នកចាញ់មានឈ្មោះម៉ៅ ធារ៉ា ហៅចយ ភេទប្រុសអាយុ២៦ឆ្នាំ មុខរបរកម្មករសំណង់មានទីលំនៅ ភូមិ ចំបក់ភ្លោះ ឃុំភ្នំបាត ស្រុកពញាឮ ខេត្ត កណ្តាល ។ ចំណែកអ្នកឈ្នះក្លាយជាជនល្មើសមានឈ្មោះឆន ចាន់ថុន ហៅតាត់ ភេទប្រុស អាយុ២៨ឆ្នាំ មុខរបរកម្មករសំណង់មានទីលំនៅភូមិចំបក់ភ្លោះ ឃុំភ្នំបាត ស្រុកពញាឮខេត្តកណ្តាល ។

តាមនគរបាលបានឲ្យដឹងដានៅមុនពេលកើតហេតុនៅថ្ងៃទី១៨ ខែសីហា ឆ្នាំ ២០១៦ ជនរងគ្រោះនិងជនល្មើសបានមានទំនាស់ពាក្យសំដីគ្នាពីរឿងនៅក្នុងគ្រួសារ។ លុះដល់ថ្ងៃទី២០ខែ៨ឆ្នាំ២០១៦វេលាម៉ោង១៧ៈ០០នាទីជនល្មើសបានទៅខោកក្បាលជនរងគ្រោះពេលនោះជនរងគ្រោះខឹងក៍បានវាយប្រតាយប្រតប់ជនល្មើសឆ្លៀតពេលនោះជនល្មើសក៍បានយកកូនកាំបិតដងជ័រចេញពីហៅប៉ៅខោរបស់ខ្លួនចាក់ទៅលើជនរងគ្រោះចំខ្នងចំនួន២កាំបិតបណ្តាលឲ្យរងរបួសជាទំម្ងន់  បច្ចុប្បន្នជនរងគ្រោះត្រូវបានសាច់ញាតិបញ្ជូនទៅមន្ទីរពេទ្យ ចំណែកជនល្មើសបានឃាត់ខ្លួនបញ្ជូនមកអធិការរដ្ឋាននគរបាលស្រុកពញាឮដើម្បីបន្តចាត់ការតាមនីតិវិធី។

• ជម្លោះហឹង្សា
• រងរបួសធ្ងន់
• ប៉ូលីស