ចិន៖ បណ្តាញ CCTV របស់រដ្ឋាភិបាលចិនបានបង្ហាញថា អ្នកវិទ្យាសាស្ត្របានស្រាវជ្រាវរកឃើញរណ្តៅដែលមានជម្រៅជ្រៅជាងគេលើពិភពលោក ស្ថិតនៅក្នុងសមុទ្រខាងត្បូងប្រទេសចិន។

អ្នកស្រុកហៅរណ្តៅនោះថា រូងនាគ។ វាមានជម្រៅដល់ទៅ ៩៨៧ ហ្វីត ឬ ៣០០ ម៉ែត្រ នេះបើតាមការអះអាងរបស់ក្រុមអ្នកស្រាវជ្រាវ​ដែលបានចំណាយពេលតាំងពីឆ្នាំមុនក្នុងការស្រាវជ្រាវតំបន់នេះ។

អ្នកវិទ្យាសាស្រ្តមកពីវិទ្យាស្ថានស្រាវជ្រាវ Sansha Ship Course បានប្រើប្រាស់គ្រឿងយន្តមុជទឹកដែលមានឧបករណ៍វាសជម្រៅ ដើម្បីវាស់ពីទំហំរបស់រណ្តៅនោះ។

ក្រុមអ្នកស្រាវជ្រាវបានរកឃើញពពួកត្រីច្រើនជាង ២០ប្រភេទ កំពុងរស់នៅផ្នែកខាងលើនៃរណ្តៅនោះ ដែលគេអោយឈ្មោះថា រូងខៀវ។ ប៉ុន្តែចាប់ជម្រៅ ១០០ម៉ែត្រ ចុះក្រោម គ្មានអុកស៊ីសែនឡើយ ដែលគេសន្និដ្ឋានថាគ្មានជំវិតរស់នៅក្នុងទីនោះឡើយ។

រូងខៀវ គឺជារណ្តៅដ៏ធំមួយនៅក្នុងមហាសមុទ្រ ដែលគេអាចមើលវាឃើញពីលើផ្ទៃទឹកបាន។

អ្នកស្រុកនោះបានពណ៌នាពីរណ្តៅនោះថា ជាភ្នែករបស់សមុទ្រចិនខាងត្បូង ដែលវាស្ថិតនៅក្នុងតំបន់ផ្កាថ្មប៉ប្រះទឹកនៃកោះ Paracel។

គួរបញ្ជាក់ថា ពីមុន រណ្តៅបៃតងនៅ Bahamas ត្រូវបានគេចាត់ទុកថាជារណ្តៅជ្រៅជាងគេលើពិភពលោក ដែលមានជម្រៅជាង ៦៦០ ហ្វីត។

ប្រែសម្រួលដោយ៖ សិរីវុធ

• អ្នកវិទ្យាសាស្រ្ត
• រណ្តៅ
• ជាងគេលើពិភពលោក
• ចិន
• រូងនាគ