រាជធានីភ្នំពេញ៖  ឯកឧត្តមលោកខៀវ កាញារិទ្ធ រដ្ឋមន្រ្តីក្រសួងព័ត៌មានបានថ្លែងថាអ្នកកាសែតកម្ពុជាគួរតែងពង្រឹងក្រមសីលធម៌របស់ខ្លួនឡើងវិញចំពោះការផ្សាយព័ត៌មានដែលក្រសួងបានជំរុញឲ្យស្នាននីយ៍ទូរទស្សន៍ កាសែតបោះពុម្ព ទស្សនាវដ្តីនិងប្រព័ន្ធផ្សព្វផ្សាយដទៃទៀតមិនត្រូវថតសពក្នុងស្ថានភាពឃាតកម្មមានឈាម កាត់ក ដាច់ក្បាល មានដៃជើងច្រងេងច្រងាងមកចុះផ្សាយទេវាជាសីលធម៌មួយដែលត្រូវគិតដល់សពនិងគ្រួសារសពគេមិនសប្បាយចិត្តចំពោះជាផ្សាយបែបនេះទេ។

ការផ្សាយបែបនេះវាយអាចធ្វើឲ្យបានបាត់បង់តម្លៃខ្លួនឯងនិងមិនគួរផ្សាយរួបភាពទាំងនោះទេការថ្លែងរបស់លោករដ្ឋមន្រ្តីបានធ្វើឡើង ក្នុងសន្និសីទកាសែតមួយក្នុងក្រសួងព័ត៌មានបន្ទាប់ពីលោកបានចូលរួមក្នុងពីបិទវគ្គបណ្តុះបណ្តាលព័ត៌មានវិជ្ជា(JavaនិងWindow )ដែលរៀបចំឡើងដោយក្រសួងព័ត៌មានកាលពីថ្ងៃទី២៦ខែកក្កដាឆ្នាំ២០១៦។វគ្គនេះមានសិក្ខាកាមជាង៦០នាក់មន្រ្តីរបស់មន្ទីរព័ត៌មាននៅតាមខេត្តមកចូលរួមរៀនសូត្រលើកដំបូងដែលមានគ្រូជនជាតិកូរេបួបនាក់និងគ្រូខ្មែរបង្រៀនដោយផ្ទាល់។

នៅពេលអ្នកកាសែតសួរថាស្ថានីយ៍ទូរទស្សន៍កាសែតនិងទស្សនាវដ្តីឬប្រព័ន្ធផ្សព្វផ្សាយមិនស្តាប់ការណែនាំរបស់ក្រសួងពេលនោះអាចប្រឈមនឹងការពិន័យ ដកអាជ្ញាប័ណ្ណឬបិទប្រព័ន្ធផ្សព្វផ្សាយទាំងនោះទេ?។លោករដ្ឋមន្រ្តីលើកឡើងថារដ្ឋាភិបាលមិនបិទការផ្សព្វផ្សាយរបស់ពួកគេទេតែយើងពង្រឹងការផ្សាយដែលគេនឹងដឹងថានរណាជាអ្នកបំពាន់លើវិជ្ជាជីវៈសារព័ត៌មានដោយខ្លួនឯង។ការបិទមិនមែនជាការល្អទេ ការនិយាយគ្នាល្អជាង។កន្លងមកសម្តេចតេជោនាយករដ្ឋមន្រ្តីធ្លាប់បានមានប្រសាសន៍ដែរ។អ្វីសំខាន់នោះអ្នកកាសែតខ្លួនឯងមានតម្លៃឬអត់។

លោករដ្ឋមន្រ្តីបានលើកឡើងថាមានអ្នកខ្លះចង់បន្ទាបបន្ទោកខ្លួនឯងហើយយើងចង់ទៅធ្វើដូចគេដែរ?។វាខុសវិជ្ជាជីវៈរបស់យើងដូច្នេះយើងចង់រក្សាតម្លៃយើងជាអ្នកកាសែតមានតម្លៃគឺការប្រើប្រាស់ពាក្យពេជន៍និងរូបភាពឲ្យសមស្របតាមការណែនាំក្រមសីលធម៌របស់យើង។ចំពោះសំណួរដែលថាក្រសួងបានហាមមិនឲ្យមានការផ្សាយការហែសពលោក កឹមឡី មែនដែរទេ?។

លោករដ្ឋមន្រ្តីបានលើកឡើងថានរណាអ្នកនិយាយបែបនេះមិនត្រូវទេ។តែទូរទស្សន៍(ទទក)បានផ្សាយតែមិនដឹងថាមានទូរទស្សន៍នាទៀតបានផ្សាយតែ(ទទក)បានផ្សាយ។តែអ្នកដែលនិយាយនោះសួរវិញថាគេបានមើលទស្សន៍ឬអត់ដែលគេចេះដែរនិយាយបែបនេះ។កាលពីថ្ងៃទី២៥ខែកក្កដាកលោកបានជួបប្រជុំជាមួយតំណាងទូរទស្សន៍ទាំងអស់នៅកម្ពុជាដែលពេលនោះគេបាននិយាយប្រាប់ក្រសួងព័ត៌មានថាគេនឹងខិតខំមិនផ្សាយរូបភាពឃាតកម្ម សពដែលមានភាពមិនសមរម្យទៀតទេ។

• ក្រសួងព័ត៌មាន
• ទូរទស្សន៍